پوهېږئ چې د رزق د تنګوالي لامل څه دی؟

قاري علي خان خالد

د ابراهیم بن ادهم رحمه الله سره د یو سړي بحث شو. سړي ویل چې د برکت په نامه خو هیڅ شی هم پاتي نشو.

ابراهیم بن ادهم رحمه الله ورته وویل چې آیا تا پسونه او سپي لیدلي دي؟

سړي وویل: هو

ابراهیم بن ادهم رحمه الله:کوم یو ډير بچي اچوي؟

سړی:سپي تر اوو پوري بچیان زیږوي او پسونه یا بزې صرف درې بچي زېږوي.

ابراهیم بن ادهم رحمه الله: ته لږ فکر وکړه او شاوخوا وګوره چې په پسو او سپیانو کې کوم ډیر دي؟(یعني پسونه ډير دي او که سپي؟)

سړی: پسونه ترې زیات دي.

ابراهیم بن ادهم رحمه الله: آیا هغه هر وخت نه ذبح کیږي؟(یعني باید پسونه کم او سپي ډېر وای ځکه چې سپي نه ذبح کیږي)

سړی: هو

ابراهیم بن ادهم رحمه الله: همدا خو برکت دی.

سړي پوښتنه وکړه چې دا فرق یې ولي دی او د پسو د ډېروالي او د سپیانو د کمبود لامل څه دی؟

ابراهیم بن ادهم رحمه الله: ځکه چې بزې او پسونه د شپې په پیل کې لا ویده شي او له سهار مخکي بیا پاڅي، نو د رحمت وخت مومي او برکت پرې نازلیږي.

پاتي شو سپیان، نو هغه ټوله شپه غاپي او کله چې د سهار وخت رانژدې شي نو ویده شي او د رحمت وخت ترې تیر شي نو برکت هم ترې واخیستل شي.

  1. فائده: زمونږ تر نیمو شپو کښېناستل او بیا سهار ناوخته پاڅېدل او له لمانځه وروسته ویدېدل زمونږ د رزق د تنګوالي لامل دی، زمونږ په اهل، مال او کورنۍ کې د کمبود سبب دی چې له پورتنۍ کیسې څخه زمونږ د دغو کړنو ښه په ډاګه کیږي‌.
د نن ټکی اسیا یوټیوب چېنل
avatar
3 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
حکیمي
میلمه
حکیمي

مننه خوندور

اجمل
میلمه
اجمل

د ښه صحت د ساتلو لپاره هم زر خوب ته تلل او د وخته پاځیدل یوه ښه نسخه ده. مننه ستاسو له پنده نه ډکی کیسی نه.

محمد نور
میلمه
محمد نور

ښه نصیحت دی