شعـــــرونه

ازادۍ!!!! ثاقب خپلواک

ثاقب خپلواک

ته مو مینه، ته مو وینه،ته خو ویاړ، زموږ د کاله یې
خوږ سرود ، درب د دریا ، ږغ د غزاوو، د ډاله یې

زموږ اروا درته موسکیږي، موږ ټول ستا په مینه پایو
ته مو مینه کې ، د وینو بهیدونکی ، یوه ویاله یې

د مغرور حُسن تفسیر دې،راته کړي تل شوخې سترګې
په سجده کې ، د بنګړیو ، شرنګونکې غزاله یې

د راتګ لاری دې څارې ، زموږ د ژوند لوړی ، ژورې
زموږ شیدیارو ، ارمانو ته د سمون یوه ماله یې

آزادۍ! ستا کروندو کې ، د ننګ تخم دی کرلی
د شهید په وینو لیک ، د پاکې مینې قباله یې

له مودو د هجر تنده بې ، په تا باندي ماتېږي
د ثاقب خمار احساس ته ، د شرابو یوه پیاله یې

ثاقب خپلواک

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x