طالبانو سمنګان ولايت کې جيټ الوتکه نسکوره کړې

نن ټکی اسیا (چهارشنبه، ۳۰زمری، ۱۳۹۸ل):د سمنګان ولايت چارواکي وايي، په دو اب ولسوالۍ کې يوه جيټ الوتکه نسکوره شوې ده.

د سمنګان د والي وياند صدیق عزيزي رسنيو ته ويلي، په دو اب ولسوالۍ کې يوه جيټ الوتکه نسکوره شوې، خو په دې اړه يې نور جزئيات نه دي ورکړي او وايي، چې د پېښې پلټنې لپاره سيمې ته پلاوی لېږل شوی دی.

طالبانو هم د الوتکې د نسکورولو مسؤوليت منلی دی.

د طالبانو وياند ذبيح الله مجاهد په خپله ټويټرپاڼه کې ويلي، الوتکه د دوی جنګياليو له لوري نسکوره شوې او په بشپړ ډول له منځه تللې ده.

تر اوسه دا نه ده روښانه، چې دغه الوتکه د بهرنيانو ده او که د ګډ حکومت.

د ګډ حکومت دفاع وزارت او په افغانستان کې د ناټو قاطع ملاتړ ماموريت تر اوسه په دې اړه رسنيو ته څه نه دي ويلي.

د نن ټکی اسیا یوټیوب چېنل
avatar
1 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
جميل
میلمه
جميل

الحمدلله