د اروپا اتلانو ليګ د کال غوره لوبغاړي جايزه د چا په نوم شوه؟
نن ټکی اسيا (پنجشنبه، ۷ وږی، ۱۳۹۸): د اروپا اتلانو ليګ فوټبال سياليو د کال غوره لوبغاړي جايزې د يوې سترې غونډې په ترڅ کې اعلان شولې.
د ۲۰۱۸-۱۹ فوټبال اروپا اتلانو ليګ د غوره لوبغاړي جايزه د لیورپول لوبډلې تکړه دفاعي لوبغاړي «ورجل ون ډايک» وګټله، دا لومړی وار دی چې يو دفاعي لوبغاړي دغه جايزه ګټي.
✨ 2018/19 UEFA Men's Player of the Year ✨
🏆 𝐕𝐀𝐍 𝐃𝐈𝐉𝐊#UEFAawards | #UCLdraw pic.twitter.com/B6PurZkmK7
— UEFA Champions League (@ChampionsLeague) August 29, 2019
ون ډايک د هالينډ لوبډلې غوره دفاعي لوبغاړي دی چې په کلبي سياليو کې د انګلستاني کلب لیورپول سره لوبيږي.
د نوموړي په غوره لوبې سره د لیورپول لوبډله وتوانېدله چې د اروپا اتلانو ليګ اتلولي خپله کړي، نوموړي همدا ډول د ۲۰۱۸-۱۹م کال غوره دفاعي لوبغاړي جايزه هم په خپل نوم کړه.
د اروپا اتلانو ليګ په نورو جايزو وړونکو کې ليونل ميسي و چې خپل سيال کريسټيانو رونالډو ته يې ماتې ورکړه او د کال غوره حمله کونکی لوبغاړی وټاکل شو.
✨ 2018/19 #UCL Forward of the Season ✨
🏅 𝐌𝐄𝐒𝐒𝐈#UEFAawards | #UCLdraw pic.twitter.com/OspQ4gXQwR
— UEFA Champions League (@ChampionsLeague) August 29, 2019
همدا ډول د اژاکس لوبډلې منځني ځوان لوبغاړي «فرانکي ډي يانګ» د غوره منځني لوبغاړي جايزه وګټله، ډي يانګ په روان پړاو سياليو کې له اژاکس لوبډلې څخه برسلونا ته انتقال شو.
✨ 2018/19 #UCL Midfielder of the Season ✨
🏅 𝐃𝐄 𝐉𝐎𝐍𝐆#UEFAawards | #UCLdraw pic.twitter.com/DS7iOlyDNN
— UEFA Champions League (@ChampionsLeague) August 29, 2019
د ګول ساتونکي جايزه د لیورپول لوبډلې ګول کيپر «اليسن بيکر» وګټله، نوموړي په اروپا اتلانو ليګ سياليو کې د ميسي په شمول د نورو غوره لوبغاړو مخه په ميړانه ونېوله، نوموړي سره د برسلونا لوبډلې ګول کيپر مارکنډری ټير سټيګن سيال ولاړ و.
✨ 2018/19 #UCL Goalkeeper of the Season ✨
🏅 𝐀𝐋𝐈𝐒𝐒𝐎𝐍#UEFAawards | #UCLdraw pic.twitter.com/4LqDHksmf8
— UEFA Champions League (@ChampionsLeague) August 29, 2019
د يادونې ده چې د اروپا اتلانو ليګ د کال غوره لوبغاړي جايزې ګټلو لپاره، کريسټيانو رونالډو، ليونل ميسي او ورجل ون ډايک ولاړ وو، چې بالاخره په لومړي وار ون ډايک دغه جايزه وګټله.
