د حزب اسلامي مهمو قومندانانو له طالبانو څخه ملاتړ اعلان کړ

د حزب اسلامي یوه تن مشهور قومندان انجنیر عبدالحلیم مبشر له خپلو قومندانانو او ګڼ شمیر وسلوالو سره یو ځای له طالبانو څخه خپل ملاتړ اعلان کړی .
نن ټکی اسیا (جمعه، ۸ وږی، ۱۳۹۸ل):له راپورونو سره سم درې ورځې وړاندې په بادغیس ولایت کې د حزب اسلامي یوه تن مشهور قومندان انجنیر عبدالحلیم د خپلو ۲۰ قومندانانو او ۵۰۰ وسلوالو افرادو په ملتیا له طالبانو څخه خپل ملاتړ اعلان کړی او د طالبانو له مشر شیخ هبة الله اخندزاده سره يې بیعت کړی دی.
د طالبانو له لوري په خپره شوې خبر پاڼه کي ویل شوي نوموړي قومندان په بادغیس ، جوزجان ، فاریاب ، سرپل اوغور کي ګڼ شمیر افراد لري او په شمالي ولایتونو کي له پراخ نفوذ څخه برخمن دی.
طالبانو د حکومت او خپلو مخالفینو له لیکو د افرادو د را جلبولو لپاره په موخه ددعوت ارشاد ، جلب جذب په نوم مستقل کمیسیون جوړی کړی، یاد کمیسیون هره میاشت د هغو سلګونو کسانو لیستونه خپروي چي د طالبانو له لیکو سره یو ځای شوي وي .
تیر ۲۰۱۸ میلادي کال کي هم د یاد کمیسیون په هڅو تقریبا ۸۰۰۰ کسان د دولت له لیکو څخه را بېل او له طالبانوسره یو ځای شول .
کوم کسان چي د دولت له لیکو څخه را بیل او له طالبانو سره یو ځای شي طالبان ورته ځانګړی کارت ورکوي او اجازه ورکوي چی هغوی په خپلو کورونو کي ارام ژوند وکړي .