روغتیا

ډیر خوب مه کوئ.. دغه پایلې لري!

نن ټکی اسیا (سه شنبه، ۱۲ وږی، ۱۳۹۸ل): ایا پوهیږئ چې زیات خوب کول ستاسې د خوب د ګډوډئ نښه ده، یوازې دا نه بلکې زیات خوب مو په نفسي روغتیا ژور اغیز کوي او د خپګان په څېر مو په یو شمېر ناروغیو اخته کوي.

پوهان په عام ډول د شپې له شپږو څخه تر اتو ساعتونو د خوب سپارښتنه کوي، خو له دې زیات خوب کول په ویښیدلو او د کټ څخه په پاڅېدلو کې انسان ته ستونزې رامنځته کوي.

همدغه ډول زیات خوب مو په نیمه سردردۍ اخته کوي او د رڼا سره مو حساسیت پیدا کوي.

هغه کسان چې زیات خوب کوي په لاندې ناروغیو اخته کیدلای شي:

سر دردي: د زیات خوب څخه رامنځته کېدونکې سر دردي په اعصابو ژور اغیز کوي، په ځانګړي ډول هغه کسان چې د ورځې په اوږدو کې ډیر خوب کوي ددوی د شپې خوب خرابیږي او د سهار پر مهال یې سر دردي کوي.

د ملا دردونه: ډیر خوب کونکي د ملا دردونو څخه هم کړیږي، پوهان وایي چې زیاته موده ملاسته په ملا کې د اوږدمهالي دردونو لامل کیږي.

دماغي فعالیت: زیات خوب د نورو ستونزو سربېره پر دماغي فعالیت یا حافظه او د ادراک په ماده هم ژور اغیز کوي.

د پورتنیو ستونزو سربېره زیات خوب په نفسي روغتیا هم اغیز کوي، د بیلګې په ډول زیات خوب کونکی انسان همیشه له خپګان سره مخ وي، په ځانګړي ډول هغه کسان چې د نوي بالغ شویو په عمر کې وي.

له بل پلوه ښځې د سړیو په پرتله د زیات خوب څخه د ورځې په اوږدو کې د سختې ستړیا احساس کوي، او د خپګان ستونزه ورته هم پیدا کیږي.

د یادونې ده چې د شپې مناسب خوب سربېره د ورځې د غرمې پرمهال قیلوله چې له ۲۰ دقیقو څخه تر ۴۰ دقیقو وخت دی، تر ټولو غوره ده، په دې سره به نفسي او بدن روغتیا سالمه وي.

ټاګونه

ورته لیکنې

avatar
  ګډون وکړئ  
خبرتیا غوښتل د
Back to top button
Close
Close