افغانستان

د فراه ولايت په مرکز د طالبانو بريد روان دی

نن ټکی اسیا (جمعه، ۱۵ وږی ۱۳۹۸ل): طالبانو تيره شپه د فراه ولايت په مرکز له څو لوریو بريدونه کړي دي چې اوس يې هم له امنيتي ځواکونو سره د ښار په څنډو کې جګړه روانه ده.

د فراه ولايت د امنيه قوماندانۍ وياند محب الله محب وايي چې طالبانو د فراه په مرکز له څو لوریو بريدونه کړي دي او اوس هم د فراه ښار په پل باغ، ريګي، چهارباغ او زمان خان کلا کې جګړه روانه ده.

محب ويلي دي چې ددې سربيره طالبانو د انادرې ولسوالۍ او شيب کوه کلا هم محاصره کړي دي او له امنيتي ځواکونو سره په جګړه بوخت دي.

د طالبانو وياند ذبيح الله مجاهد هم د فراه په مرکز بریدونه تاييد کړی او ويلي يې دي چې د فراه په مرکز پراخ بريدونه روان دي.

هغه ويلي دي چې د جلب او جذب مرکز يې نيولی او جګړه لاهم روانه ده.

بل لور طالبانو د کندز په خان اباد ولسوالۍ کې هم له امنيتي ځواکونو سره په جګړه بوخت دي او دوی وايي چې له امنيتي ځواکونو څخه يې پنځه پوستې نيولې دي او جګړه لاهم دوام لري.

دا په داسې حال کې ده چې طالبانو تيره اوونۍ د کندز او بغلان ولايتونو په مرکزونو هم بريدونه کړي، امنیتي ځواکونو ته يې مرګ ژوبله اړولې وه او ګڼې پوستې یې سقوط کړې وې.

ټاګونه

ورته لیکنې

ګډون وکړئ
خبرتیا غوښتل د
guest
3 Comments
زړو
نویو ډیرو خوښو شویو
Inline Feedbacks
ټولې تبصرې کتل
محم بلال

نتیجه یی حه دی پرته له دی عام وژنه چور چپاول واودامظلوم ملت وینه تویدنه بل حه ارمغان لری که دی امریکایان اونور کفری هیواد په دی ملک کی موجود دی دهغه هیواد دشرلو لپاره توره پورته کری یاست خواوس تاسود دامریکاییانو سره په سرسلامتی پیالی جنگوی نو ولی دا مظلوم ملت وژنی گناه حه دی هر انسان مومن دا نتیجی ته رسیژی چی تاسو انسان وژنه وینه تویدنه دتاسو په ضمیر کی حک شوی دی بیا حیران په دی یم چی تاسو حه کراوونه تر سره کوی له اسلام مبارک دین کوی که نه اسلام انسان وژنه هغه هم… نور لوستل »

اجمل

کندز او بغلان کی مو څه تر لاسه کړل چی په فراه کی به یی وکړی. همدا اوس خبرونه وایی چی په فراه کی د طالبانو زندان مات شوی او ۱۳ کسه ور څخه خلاص شوی دی. پدی انسانی ضد کارونو به نور هم په ملت کی بدنامه شی. ###

اجمل

څه شی پاتی ندی ټول وطن مو فتح کړ. کندز فتح شو، بغلان فتح شو اوس هغه نوبت د فراه د ولایت. ماشاالله د افغانانو په وژلو کی مو ریکارد ټینګ کړ.

Back to top button
3
0
Would love your thoughts, please comment.x
()
x
Close
Close