نظــر

د خلیلزاد د خوب تعبیر

حفيظ الدين پيرزاده

ابله ورځ خلیلزاد له طلوع نیوز سرہ یوہ اوږ‎دہ مرکه درلودہ.

ھغه ځیرک سیاستوال دی، ټولې خبرې یې له ابھام، کونجکاوۍ او داسې ځوابونو ډکې وې چې موږ‎ یې له خبرو د مذاکراتو په اړ‎ہ د ھیڅ مھمې پریکړ‎ې په رابطه کوټلی او دقیق ځواب تر لاسه نه کړ‎!

ھغه په پیل کې په ھغو لاملونو وغږ‎ید کومو چې د ھغه په قول، امریکا په افغانستان کې فوځي مداخلې ته اړ‎ہ کړ‎ې وہ.

بیا یې ھغه څلور نکات په گوته کړ‎ل چې قطر کې پرې توافق شوی او یواځې د ټرمپ لاسلیک ته شیبې څاري.

دا چې خلیلزاد په دې اړ‎ہ څه وویل، زہ پرې د گرانو لوستونکیو وخت نه ضائع کوم، ځکه ھغه شیان ټولو تکراري لیدلي او لوستي!
زہ به دلته د خلیلزاد په ځینو ھغو خبرو رڼا واچوم چې له خبرو یې استنباط کیدای شي:

۱- خلیلزاد وایي: موږ‎ او کابل ادارې نولس کاله ھڅه وکړ‎ہ چې طالبان مات کړ‎و، خو و نه شوہ ( اما نشد ).
دا خبرہ په حقیقت کې پخپلې مطلقې ماتې بربنډ اعتراف دی!!

۲- خلیلزاد وایي: ما ایله د نھه لسو میاشتو د ناستې پاستې په نتیجه کې طالبان وپیژندل، ھغوی د چا ( پاکستان ) عسکر نه دي، افغانان دي او ښه خلک دي.

په غرب کې د سیاسي مسایلو د تحلیل پنډتانو او د ھغوی له فکر څخه متأثرہ شویو د ھغوی افغاني جمبوریانو به ویل: طالب د امریکا سړ‎ی دی چې د امریکا غلام پاکستان په مرسته یې د امریکا په ایماء او اشارہ په وطن کې امنیت خراب کړ‎ی تر څو امریکا ته دلته د پاته کیدو چانس پیدا شي، تر څو دولت کمزوری وي او کمزوری پاته شي چې د خپل ځان د بقا لپارہ به مجبور وي له امریکې سرہ ھر راز قرارداد امضاء کړ‎ي.

خلیلزاد په امریکائي لوړ‎ پوړ‎یو چارواکیو کې د افغان مسئلې تر ټولو خبیر او پوہ کس دی، دا چې ھغه تر اوسه طالبان سم نه پیژندل نو نور امریکائي چارواکي خو یې په طریقه اولیٰ نه پیژني!

د خلیلزاد اعتراف د دا رنگ تحلیلگرو پر مخونو د لاړ‎و پر تو کولو د ھغوی پر فرضیې د بطلان کرښه را کاږ‎ي.

امریکائي لوړ‎ پوړ‎ي چارواکي یې پیژني نه او تحلیگران وایي، طالبان د ھغوی خلک دي!!!! یا لِلعجب!!

۳- خلیلزاد د خبریال د دې پوښتنې په ځواب کې چې آیا د کابل ادارہ د مذاکراتو د مسودې د ویټو حق لري، خبرہ اخوا دیخوا ویوړ‎ہ، نه یې د ھو ځواب ورکړ‎ او نه د نَه!!

زما په اند دا یوہ بې ځایه پوښتنه وہ. له دې پوښتنې مخکې خلیلزاد وویل: د ارگ مشرانو ته یې د مسودې کاپي د امنیتي ملحوظاتو په خاطر نه دہ ورکړ‎ې، یواځې د لوستلو چانس یې ورکړ‎ی!

چې د اعتماد کچه داسې وي نو ویټو د کومه راغله؟!

وایي چا کلي کې نه پریښود، خو ھغه ویل: اس مې د خان کرہ وتړ‎ئ!!

۴- که واشنگټن د خلیلزاد د سولې له مسودې سرہ موافقت وښئیي نو د کابل ادارې سوله ضد دریځ به ھم یو سل او اتیا درجې تغیر وکړ‎ي. ان شاء الله

تیرو حوادثو ښودلې چې د غني سیاسي شخصیت ثبات نه لري او د لږ‎ فشار په مقابل کې ډیر ژر انعطاف ښئیي.

۵- ژبنی خطا که نوښت؟

خلیلزاد د مصاحبې په یوہ برخه کې چې ما په مکررہ توگه واوریدله د جناب ریس جمھور ډاکتر غني پر ځای جناب ریس جمھور ډاکتر فني وایي؛ که دا د خلیلزاد ژبنی لکنت وي نو دا د قضیې تخنیکي اړ‎خ دی خو که دا د خلیلزاد نوښت وي نو بیا دې جناب مفکر صیب ته دا نوی تخلص مبارک وي، ځکه فني په انگریزۍ ژبه کې ټوکي ته وایي. رښتیا خبرہ ھم دا دہ چې د خپل قدرت پر مھال چې څومرہ ټوکې غنې له خپل ولس او پخپل ولس پورې وکړ‎ې ښایې د گوډاگي مشرانو په کتار کې یې نظیر او بدیل کم پیدا شي، ښایي ھمدا لامل وي چې د غني پلویانو ته ھم فني صیب بې بدیله ښکاري!!

۶- ما د خلیلزاد ډیرې مرکې اوریدلې او لیدلي دي.

له طلوع سرہ یې دا مرکه تر نورو ھغو متفاوته وہ!

دا ځل یې په خبرو کې تر ډیرہ له داسې کلماتو کار اخیسته لکه بخیر، خدا کند، خدای ناخواسته او نورې.
دا کار ھغه پخوا نه کاوہ، نه پوھیږ‎م چې دا تغیر به د کومو مجالسو اثر وي؛ خوشال بابا خو وایي:

له خوشال سرہ که کیني یو څو کاله
دا د غرہ خټک به واړ‎ہ شاعران شي
_______________

حفیظ الدین پیرزادہ
د سپتمبر ۶/ ۲۰۱۹ م
ستاکھولم سویدن

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
گل محمد نوری

مګر لیکوال پیرزاد صاحب یو خبره باندی بیخی ځان تیر کړ چی ویلی وو چی د امارت راتګ د امریکا او نوری نړی ته سره کرښه ده یعنی امریکا د امارت حکومت نه منی. کله چی لیکل کوی ټولی خبرو باندی تبصیری کوی چی ولس پوه شی تاسی خپواک کسان یاست نباید داسی لیکنی وکړی چی په تاسی باندی هم خلکو شک او تردی زیاد شی.

ځینی رسانی په تیره بیا پژواک ویلی چی ټرمپ په ۹۰ دقیقه کی سوله ته منفی لغته ورکړه یعنی د سولی پروسه لغوه کړ.

Back to top button
1
0
ستاسو نظر مونږ ته دقدر وړ دی، راسره شریک یې کړئx
()
x