انځورونه/ شفاعت ریحان

شفاعت ریحان

تۀ را ياد شې، کړم را غاړي انځورونه
ستا د ناستي او ولاړي انځورونه

د مسکا په ځای به اوښکې پکې راشي
که څوک ما غريب نه غواړي انځورونه

خبرياله! نړيوالو ته ښکاره کړه
د شهيدې دښتې، شاړي انځورونه

دېوال ړنګ وي، ماشومان وي ترېنه لاندې
څۀ بلا دردونه ژباړي انځورونه

مخ ګلاب، قد دي چنار، سترګې غزل دي
په ښکلا باندې دي وياړي انځورونه

شفاعته! ليوني درد يم نيولی
بدرګه راسره ژاړي انځورونه

د نن ټکی اسیا یوټیوب چېنل
avatar
  ګډون وکړئ  
خبرتیا غوښتل د