د انس حقاني نوی غزل

انس حقاني

ورځپاڼو ددې ښار کې دا خبر له منځه تللی
“باور په چا په کار نه دی، باور له منځه تللی”

د نفس بندګي ده، بد هم ښه نومول کیږي
او شر ته خیر وایي ته وا شر له منځه تللی

د خیر خبري کیږي خو تاثیر په ډېرو نکړي
څه زړونه کاڼه شوي څه اثر له منځه تللی

د بل عیبونه ښه ویني خو خپل ځان ته ړانده وي
بس ځان ته ددې خلګو دی نظر له منځه تللی

د ظلم او وحشت طوفان خپل اوج ته رسیدلی
منګی ټوټې ټوټې دی شین ګودر له منځه تللی

فکري جګړه روانه ارتداد په ډېرېدو دی
د توري زلمی بچ دی غافل سر له منځه تللی

ای! دادی په دنیا کې د جهاد اعجاز ښکاره شو
ملنګ طالب فاتح دی، ښکیلاکګر له منځه تللی

انس ته دمرګي ګواښونه مه کوه باګرامه!
ستا زور له منځه تللی دی ستا زر له منځه تللی
ــــــــــــــــــــــ
باګرام زندان

د نن ټکی اسیا یوټیوب چېنل
avatar
2 د تبصرو شمېر
3 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
مجاهد
میلمه
مجاهد

د نمرود په اور کی پروت د حق اواز اوجتوی ، الله ج دی دذی زندانو او شکنجو اجرونه درکړی الله ج دی له دغو زندانو او شکنجو د ټولو نورو سره وژغوره، ستاسی ټوله کورنی مجاهده کورنی وه او ده د مسلمانانو ویاړنه الله ج دی په کړنو تر دی لا برکت کیږدی څو ورونه مو یو د بل پسی په شهادت ورسیدل والد صاحب مو د دواړو جهادو سالار دی زه چه دا تبصره لیکم ورسره ژاړم الله ج دی مونږ ستاسی په صف کی وشمیری مونږ ته دی الله ج ستاسی په شان صبر او ثبات راکړی… نور لوستل »

جميل
میلمه
جميل

آمين يا رب العالمين

غمی.پښتین
میلمه
غمی.پښتین

جوړ تازه، مجاهد ته. د مکر ژړا پریږده راووځه میدان ته…….د دجال جنت لندن پریږده راشه وطن ته. له شریف سړی څخه جنګیالی جوړول د شیطان کار دی، نو شیطان هم باید په حیله،مکر،فریب په ژړا،فریادونو،سره شریف څخه قاتل جوړ کړی. همدا ژړاګانو حقانی صاحب کورنی تباه کړه.زامن یی څوک قتل او څوک بندیان شول. نور د مکر ژړاګانی ،پریږدی له شریفانو څخه جنګیالی مه جوړوی، او که ته وایی چه دا کی اجرونه دی،جنتونه دی،مزی دی خربوزی دی،نو بیا ته هم له بچیانو سره له لندن څخه راشه ،حقانی صاحب په شان د زامن قربان کړه. کنه په ژړا… نور لوستل »

اجمل
میلمه
اجمل

مجاهد ته. که نری یی ځان ورسره بندی کړه، ولاړ شه انتحار وکړه یو وار ځان جنت بوځه. چاپلوسی او تملق پریږده. ######

فدامحمد نومير
میلمه
فدامحمد نومير

بسم الله الرحمن الرحيم ط خپل لاندنئ شعر ( د ميني اواز ) چي ما د 1357 کال د لړم په مياشت کي د کندهار ښار په کاروان نومي کلي کي ليکلی وو. او بيا زما په شعري ټولګه ( څڅيدلي ويني ) کي چاپ او خپور سوی دی. خپل مظلوم زنداني ورور ( انس حقاني ) ته چي د مرحوم پلار( لوی مجاهد حقاني رحمة الله عليه او د تره يي ( مجاهد محمد ابراهيم حقاني ) ملاقات يي زما په نصيب سوی وو. او کله کله به مي منبع الجهاد ته خپل اشعار ليږل ، ‌‌‌‌‌‌ډالئ کوم :… نور لوستل »