افغانستان

اشرف غني یوه سلاکار ته درې میلیونه افغانۍ معاش ټاکلی وو

نن ټکی اسیا (شنبنه، ۳۰ وږی، ۱۳۹۸ل): په ټولنیزو رسنیو باندې یو لاس په لاس کېدونکی مکتوب ښيي، چې د ګډ حکومت مشر د صنایعو او سوداګرۍ په وزارت کې یوه بهرني سلاکار ته ۴۱ زره امریکایي ډالر میاشتنی معاش ټاکلی وو.

یاد سلاکار چې په مکتوب کې یې نوم «ډاکټر پلاسا» یاد شوی، د جرمني اوسېدونکی دی او معاش یې د مالیې وزارت له لوري تائید شوی هم دي.

د مکتوب په اساس، نوموړي ته ۴۱۲۵۰ امریکايي ډالر میاشتنی معاش ټاکل شوی، چې له کابو ۳ میلیونه افغانیو سره معادل دی.

په ټولنیزو رسنیو باندې ددې مکتوب له خپرېدلو سره سم ګڼ غبرګونونه راپارېدلي، د کابل یوه اوسېدونکي طلوع نیوز ته ویلي « موږ هره ورځ بهرنیو هیوادونو ته د فقر لاسونه غځوو؛ خو ولسمشر مو یو بهرنی سلاکار په درې میلیونه افغانیو میاشتني معاش باندې ټاکي».

ارګ ددې نیوکو په ځواب کې ویلي، چې یاد سلاکار اوس له دوی سره دنده نه لري او کال وړاندې له دندې لیرې شوی.

د ارګ ویاند «شاه حسین مرتضوي» وايي، چې ډاکټر پلاسا هغه مهال له دوی سره د سلاکار دنده درلوده، چې د کارکوونکو معاشونه د بهرنیانو له لوري ورکول کېدل.

ورته لیکنې

ګډون وکړئ
خبرتیا غوښتل د
guest
2 Comments
زړو
نویو ډیرو خوښو شویو
Inline Feedbacks
ټولې تبصرې کتل
هدی

خود کُش بیګانه پرستي ده …. زموږ ډاکټران او انجینران چي بهرنیو هیوادونو ته ولاړ سي، هلته د هغو تشنابونه ور منځي. او په دننه هیواد کي کله چي څوک له ماسټري څخه فارغ سي په کلونو کلونو بې کاره او بې روزګاره ګرځي. د پنځو زرو معاشو دنده نه ور پیدا کیږي او دوی د هغو یو بې سواده جاسوس ته د درې میلیونو په شاوخوا کي معاش ورکوي؟!

جميل

ويی پلټی ، د رولا غنی کوم خپل او شناخته خو به نه وی

Back to top button
2
0
ستاسو نظر مونږ ته دقدر وړ دی، راسره شریک یې کړئx
()
x