ټرمپ: ترکيه زموږ ستر سوداګريز شريک دی او زه به په سپينه ماڼۍ کې د اردوګان هرکلی وکړم

نن ټکی اسیا (چهارشنبه، ۱۷ تله، ۱۳۹۸ل): د امریکا ولسمشر ډونلډ ټرمپ تېره ورځ ترکيې ته له ګواښ وروسته نن په خپلو څرګندونو کې ترکيه د امریکا ستر سوداګريز هېواد بللی او وايي، د واشنګټن او انقرې اړيکې د هېچا له سترګو نه دي پټې.

د امریکا ولسمشر وايي، خپل ترکي سيال ته يې د واشنګټن بلنه ورکړې او په خپله به يې هرکلی وکړي.

ټرمپ په خپل ټويټرپيغام کې ويلي: «ډېر خلک دا خبره په اسانه هېروي، چې ترکيه د متحده ايالاتو ستر سوداګريز شريک دی، حقیقت دا دی، چې ترکيه د امريکا ايف ۳۵ الوتکو ته فولادي ډانچې جوړوي او له دوی سره زموږ چلند ډېر ښه دی.»

ټرمپ زياته کړې: «موږ بايد دا په ياد ولرو، چې ترکيه د ناټو په پوځي ایتلاف کې مهم هېواد دی او سربېره پر دې يې د سوريې په ادلب کې ښار کې د ډېرو خلکو د ژوند ژغورلو کې له ما سره ډېره مرسته کړې ده.»

ډونلډ ټرمپ له سوريې د امريکايي پوځيانو د اېستلو پرېکړه کړې، خو ديموکراتانو او جمهوري پلوه سناتورانو يې له دې پرېکړې سره مخالفت کړی دی.

د سوريې شمال کې د امريکا متحد کردانو او امریکايي سياستوالو د ټرمپ پرېکړه غندلې او وايي، که امریکا له سوريې خپل عسکر وباسي، د سيمې کردان به د ترکيې د عملياتو ښکار شي، خو ټرمپ ترکيې ته خبرداری ورکړی و، که داسې کار يې وکړ، نو د ترکيې اقتصاد به ويجاړ کړي.

د ترکيې دفاع وزارت د ټرمپ څرګندونو په اړه ويلي، دوی د سوريې په شمال کې پوځي عملياتو ته چمتو دي او د خپلې پولې په اوږدو کې به هېڅکله د ترهګرو ډلو شتون او فعاليت ونه زغمي.

د ترکيې حکومت له دې څرګندونو وروسته ټرمپ ترکيه خپل سوداګريز شريک هېواد بللی او وايي، چې دی به خپل ترکي سيال رجب طيب اردوګان ته بلنه ورکړي او سپينې ماڼۍ کې به يې هرکلی وکړي.

د نن ټکی اسیا یوټیوب چېنل
avatar
1 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
الحاج استاذ بیانزی
میلمه
الحاج استاذ بیانزی

ترکیه چه یوه برخه یی اروبا او بله اسیا کی قرار لری یعنی د اسیا او اروپا د عبور دروازه ده، امریکایی انګریزانو ته ډیر اهمیت لری چه تل یی له اسلامه لیری او د ځآنو سره وساتی او د اتاترک به شان یی د اسلام او مسلمانانو په ضد وکاروی، په دی کی شک نشته چه د عدالت ګوند د اتاترک خبیث سکورلیزم ته څه ناڅه دبای ټکی کیښود، انګریزانو مات نه کړی شول نو د عدالت ګوند دننه یی اردګان لاس کی ونیولو چه دګلبدین په شان په اسلامی شعارونه زمزمه کوی او عملی کړنی به د ناتو… نور لوستل »