افغانستان

سید اکبر اغا: د سولې دښمن حکومت زموږ پر دفتر چاپه وهلې

نن ټکی اسیا (شنبه، ۲۰ تله، ۱۳۹۸ل): د افغانستان خلاصون شورا مشر او پخواني طالب چارواکي سيد محمد اکبر اغا ويلي، د سولې دښمنانو «حکومتي چارواکو» د دوی پر چاپه وهلې ده.

ښاغلي اکبر اغا ويلي، حکومتي چارواکو تر دې وړاندې هم دوه ځله د دوی پر دفتر چاپه وهلې او وروسته يې ورته عذر کړی، چې دوی تېروتلي وو.

د خلاصون شورا مشر وايي، هر ځل، چې حکومت د دوی پر دفتر چاپه وهلې، پنځوس موټر راشي، د دوی ځينې ملګري له ځان سره يوسي او له څه مودې وروسته يې بېرته خوشې کړي او بيا وايي، چې دوی اشتباه شوي وو، خو ښاغلی اکبر اغا وايي، چې تېروتنه يو ځل وي، هر ځل تېروتنه نه وي.

نوموړی وايي، د حکومتي چارواکو د مکررو چاپو له امله دوی هم اړ شوي، چې خپل غږ پورته کړي.

له تېرې اوږدې مودې راهيسې د ګډ حکومت له لوري کابل کې د سولې پر فعالانو فشارونه زيات شوي، وخت پر وخت يې د ترور هڅه هم شوې ده.

تېره ورځ هم د سولې پر فعال او سياسي شنونکي نظر محمد مطمئن د برید هڅه شوې وه، خو بریدګر په خپله هڅه کې ناکام شو او توفنګجچه يې ښاغلي مطمئن ته پاتې وه.

په کابل کې حکومتي سرچينې وايي، ګډ حکومت له کابل مېشتو پخوانيو طالبانو او د سولې له فعالانو غوښتي وو، چې له طالبانو سره د مخامخ ناستې زمينه برابره کړي، خو کله، چې د حکومت غوښتنه ونه منل شوه، حکومتي چارواکو او استخباراتي ادارو په کابل ښار کې د سولې پر فعالانو او پخوانيو طالب چارواکو فشارونه زیات کړي دي.

 

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
مولا عبدالستارآغا

سید اکیر اغا طیب اغا او معتصم اغا فقد روفی ګټی او هم یی پیدا کړی دریسره ښه ماړه ده او دافغانستان میراث خواړه هم ځانونه شماری چی چیرته ښه وی هلته یی شپه وی چی کابل کی کوم طالب مشرا اوسی نه طالبان ده نه هغه افغانان چی اروپا سخه راغلی دوی داسی مطلب اشنا خلک ده لکه زورمتیان او پنجشیریان چچی دزرمت خلک طالبانو کی ۲۰ وزیران او معینان وه او پنچرمینان کرزی سره او خفل جبونه دواړو خواوو ډکول په قندهار کی اغاصاحبان چی هرچیرته زر مخکی ځی بیا زر شاه خالی کوی حکومت هم اوس پری… نور لوستل »

Back to top button
1
0
Would love your thoughts, please comment.x
()
x