امريکا: په کليفورنيا ايالت کې سخت اور لګېدلی

نن ټکی اسیا (شنبه، ۲۰ تله، ۱۳۹۸ل): د امريکا کليفورنيا ايالت په جنوب کې د تيزو بادونو له امله يو ځنګل سخت اور اخیستی دی او پراخ شوی دی چې لسګونه زره انسانان يې له سيمې څخه تښتېدو ته اړ کړي دي.

امريکایي رسنۍ وايي چې د تيرې جمعې په ورځ د لاس انجلس شمال لويديځ څخه ۴۰ کيلو متره لرې يو ځنګل اور اخیستی دی او لاهم د پراخېدو په حال کې دی او شاوخوا ته يې ګڼې ودانۍ زيانمنې کړي دي.

سرچينه زياتوي چې د اور وژنې له پاره ګڼې اطفايې او تر ۱۰۰۰ ډېر د اور وژنې عمليه په هڅو بوخت دي خو تر اوسه د اور په
وژلو نه دي بريالي شوي.

د امريکا د اطفايې مسؤلينو دا اور د (سانتا- انا) په نامه نومولی دی او ويلي دي چې له زياتو هڅو سره سره بيا هم نه دي توانيدلي چې د اور د حرکت مخه ډب کړي او يا اور ووژني.

دوی وايي چې د ځنګل د اور سربيره په لاس انجلس کې د کثافاتو يوې بلې ډيرۍ هم اور اخیستی دی چې نژدې ۲۰۰ تنه د اور وژنې کارکوونکي يې په وژنو بوخت دي خو هغه هم نه دی کنټرول شوی.

د يادونې وړ ده چې په امريکا کې وخت ناوخت ځنګلونه اور اخلي چې له امله يې زيات ځاني او مالي تلفات اوړي او يا هم ډېر خلک د سيمو پرېښودلو ته اړ کيږي.

د تير کال په نومبر کې هم په امريکا کې يو نسبتاً تيز اورلګېدنې ګڼ شمير مالي زيانونه اړولي وو او ۸۵ تنه په کې وژل شوي هم وو چې د امريکا په تاريخ کې بې ساری و.

په اوسنيو اورونو کې د ځاني زيان په اړه تر اوسه راپورونه نه دي ورکړل شوي.

د نن ټکی اسیا یوټیوب چېنل
avatar
2 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
اجمل
میلمه
اجمل

دغو کافرو ته داسی طبیعی پیښی بی تفاوته دی. خپل غم پکار ده. څه شوه سوله موله؟ ژمی را روان دی، یخنی می کیږی د جنګ توان نور ختم دی.

پتنګ
میلمه
پتنګ

زمونږ په خوار اولس خو دوی د بمونو او راکيټونو په زریعه اور بل کړی او هر وخت مو اولس وژني الله ددوی په همداسې اور کې تبا تبا کړي ، په خپل ځناور جنګ کې له هیچا څخه نه وېریږي نه اخلاقي ،معنوي مسئولیت احساسوي او نه دیني !!