افغانستان

پکتيا او غزني کې ګډو ځواکونو د ملکي وګړو دوکانونه او ښوونځی نړولي/ انځورونه

نن ټکی اسیا (يکشنبه، ۲۱ تله، ۱۳۹۸ل): د ولسي وګړو په کورونو او بازارونو د ګډو ځواکونو د عملياتو او چاپو په دوام دا ځل بيا ګډو ځواکونو په غزني او پکتيا ولايت کې يو ښوونځی او ګڼ دوکانونه ویجاړ کړي دي.

راپورونه وايي چې ګډو ځواکونو تيره شپه د غزني ولايت ده يک ولسوالۍ په بالايي سيمه کې د سيمې يوازينی ښوونځي نړولی دی او همدا راز يې د پکتيا ولايت د زرمت ولسوالۍ په کولالکو سيمه کې په يو بازرا چاپه وهلې ده او د ملکي وګړو ۲۰۰ دوکانونه يې ويجاړ کړي دي.

د زرمت ولسوالۍ اوسېدونکي وايي چې ګډو ځواکونو د ملکي وګړو د دوکانونو دروازې ماتې کړي، ځينې دوکانونه او يو هوټل يې ونړاوه، نغدې پيسې او مالونه يې چور کړل چې له امله يې خلکو ته ګڼ شمير مالي زيان ورسېد.

په دغه چاپه کې يو دوکاندار هم د ګډو ځواکونو له لوري وژل شوی دی.

د يادونې وړ ده چې په افغانستان کې د ملکي وګړو په کورونو د ګډو ځواکونو چاپې او بريدونه تر بل هر وخت زيات شوي دي چې له امله يې د ملکي وګړو په مالي او ځاني تلفاتو کې په بې سارې توګه زیاتوالی راغلی دی.

څو مياشتې وړاندې هم په غزني ولايت کې د ګډو ځواکونو په شپنيو عملياتو کې لسګونه دوکانونه سوځول شوي وو او د خلکو سوداګريز توکي له منځه تللي وو او ځينې يې ګډو ځواکونو له ځان سره وړي وو.

ټاګونه

ورته لیکنې

avatar
1 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
پتنګ
میلمه
پتنګ

مقاومت او اولسي پاڅون ددې بیغیرتو او اشغالګرو په مقابل کې فرض دی نو دا اولس څه بلا وهلی دی !!

Back to top button
Close
Close