افغانستان

« امریکا له طالبانو سره د مذاکراتو د بیا ځلې پیل هڅې کوي»

نن ټکی اسیا (يکشنبه، ۲۱ تله، ۱۳۹۸ل): له امریکا څخه خپرېدونکې مشهورې ورځپاڼې «وال سټريټ ژورنال» د امریکا له لوري له طالبانو سره د مذاکراتو د بیا ځلې د پیل د هڅو خبر ورکړی.

د ورځپاڼې له لوري په خپاره شوې مطلب کې راغلي، چې امریکايي چارواکي هڅه کوي له طالبانو سره درېدلي مذاکرات بیا ځلې پیل کړي او په همدې موخه د افغانستان لپاره د امریکا ځانګړي استازي «زلمي خلیلزاد» د ملګرو ملتونو د عمومي ناستې په څنډه کې له نړیوالو ډيپلوماټانو او ورپسې په اسلام اباد کې له طالب استازو سره ناستې کړي.

مطلب وړاندې زیاتوي، له نړیوالو ډيپلوماټانو او طالبانو سره د زلمي خلیلزاد د لیدنو موخه دا وه، څو د دواړو لورو تر منځ د باور فضاء رامنځته شي، تشدد کم شي او تر څنګ یې د بندیانو خلاصون ته زمینه برابره شي.

ورځپاڼه د افغانستان لپاره د امریکا د پخواني ځانګړي استازي «ولسن» له قوله لیکي، چې په افغانستان کې ځمکني حقایق لا هم نه دي بدل شوي؛ نو ځکه د مذاکراتو لغوه کول د ټرمپ تر ټولو بده پرېکړه وه او دواړه لوري اړ دي بیا ځلې خبرې پيل کړي.

امریکايي رسنۍ داسې مهال د طالبانو او امریکا تر منځ د مذاکراتو د بیا پیل د شونتیا خبر ورکوي، چې د امریکا ولسمشر وايي، ناپایه جګړې به پای ته ورسوي او عسکر به کور ته راستانه کړي.

د ټرمپ په قول، دوی افغانستان ته د مؤقت وخت لپاره راغلي وو؛ خو اوس یې په دې هیواد کې په شتون ۱۹ کاله اوړي او وخت رارسېدلی چې خپل عسکر کور ته راستانه کړي.

ورته لیکنې

ګډون وکړئ
خبرتیا غوښتل د
guest
2 Comments
زړو
نویو ډیرو خوښو شویو
Inline Feedbacks
ټولې تبصرې کتل
A saeed

الله ج
مو زر تر زره ورك كره
ظاليمانو .امين يارب

غمی.پښتین

جوړ تازه،
نه طالیبه ته کامیاب شوی.او نه امریکا کامیاب شو،
طالیبه د جنګ مصرف به له کومه کوی؟پاکستان تور لیست ته داخل کیدونکی دی.
خبری ته کینی.سوله وکړی.

Back to top button
2
0
Would love your thoughts, please comment.x
()
x
Close
Close