د نړیوال جام جنجالي پایلوبه؛ آی سي سي د «سوپر اور» اصول بدل کړل

نن ټکی اسیا (دوشنبه، ۲۲ تله، ۱۳۹۸ل): د کرېکټ نړیوالې شورا پریکړه کړې چې د سوپر اور پخواني اصول چې د زیاتو څلوریزو پر بنسټ به ګټونکی اعلانېده بدل کړ.

د روان ۲۰۱۹م کال یو ورځنیو سیالیو نړیوال جام د یوه داسې اصولو له لارې انګلستان لوبډلې وګاټه چې تر ننه یې په اړه د کرېکټ پوهان تبصرې کوي.

د نړیوال جام په پایلوبه کې د انګلستان او نیوزیلند لوبډلو ترمنځ سیالۍ مساوي شوه چې وروسته سوپر اور ترسره شو، ددوی ترمنځ سوپر اور هم مساوي پای ته ورسېد چې د کرېکټ نړیوالې شورا د اصولو له مخې انګلستان لوبډله ګټونکې اعلان شوه. ځکه چې دوی په لوبه د نیوزیلند په پرتله زیاتې څلوریزې وهلې وې.

د آی سي سي د پخواني اصولو له مخې د لوبې مساوي کېدو پرمهال دوه واره سوپر اورونه نه ترسره کیږي، بلکې دغه مهال د زیاتو څلوریزو وهلو په پار لوبډله ګټونکې اعلانیږي، خو اوس بالاخره دغه اصول لغوه اعلان شول.

اوس د کرېکټ نړیوالې شورا (ICC) په عربي اماراتو کې د یوې ناستې پرمهال پریکړه کړې چې دغه اصول له منځه یوسي، دوی داسې نوي اصول وټاکل چې په مرسته به یې ګټونکې لوبډله هرو مرو د سوپر اور له مخې اعلانیږي، یعنې تر هغې به سوپر اورونه کیږي تر کومې چې په زیاتو منډو لوبه ونه ګټل شي.

د انګلستان او نیوزیلند ترمنځ لوبه د کرېکټ په تاریخ کې یوازینۍ لوبه وه چې هم بشپړ لوبه مساوي شي او هم سوپر اور مساوي شو، دغه راز د نړیوال جام پایلوبه کې د آي سي سي پخواني اصول هم په لومړي وار عملي شول.

بل لورې د کرېکټ نړیوالې شوار پریکړه وکړه چې د زمبابوې لوبډلې ته یو وار بیا د آی سي سي غړیتوب ورکړي، دوی څو میاشتې وړاندې پر زمبابوې کرېکټ مالي مرستې بندې کړې وې او ددوی غړیتوب یې ځنډولی و.

د نن ټکی اسیا یوټیوب چېنل
avatar
  ګډون وکړئ  
خبرتیا غوښتل د