افغانستان

طالبان دایکندي کې د ۱۴ کمانډو عسکرو د وژلو ادعا کوي

نن ټکی اسیا (يکشنبه، ۲۸ تله، ۱۳۹۸ل): طالبان وایي، د دایکندي ولایت په ګیزاب ولسوالۍ کې یې د امنیتي ځواکونو په پوستو بریدونه کړي او ګڼو ځانګړو ځواکونو ته یې مرګ ژوبله اړولې.

د طالبانو له رسمي ادرس څخه په همدې تړاو خپره شوې خبرپاڼه کې راغلي، چې یاد عملیات یې د ګیزاب ولسوالۍ په سنګ شېخ نومي سیمه کې د دولتي عسکرو په پوستو او قرارګاه باندې ترسره کړي او کله چې مرستندویه ځواک د دولتي عسکرو سره مرستې ته راغلی، ددوی له لوري ځپل شوی.

خبرپاڼه زیاتوي « د دغې نښتې په جریان کې  د قومندان په ګډون ۱۴ تنه د کمانډو عسکر ځای پرځای ووژل شول، چې جسدونه يې په سیمه کې پاتې دي، همدا ډول ګڼ نور ټپيان شول، نور يې وتښتیدل.له دښمن څخه ۴ میله امریکايي ام فور ټوپک، ۴ دشپې دوربینان، ۱ میل پيکا ماشیندار، ۱ میل راکټ، ۱ کلاشینکوف، د کمانډو عسکرو د قومندان لویه مخابره، ګڼ شمېر نورې مخابرې او زیاد مهمات د مجاهدینو لاسته ورغلل.»

دایکندي ولایت چې د هیواد له نسبتا امن ولایتونو شمېرل کېده، په دې وروستیو کې طالبانو پکې پراخ نفوذ پیدا کړی او ګڼې سیمې یې له دولتي عسکرو لاندې کړي.

ټاګونه

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x
Close
Close