شعـــــرونه

غزل: ثناءالله معصوم

ثناء الله معصوم

یو چا ته چې تسلیم یمه سړی دی لکه ته
یو چاته چې مات شوی یم غمی دی لکه ته

له هر رنګه تعبیر نه یې چې جمع کړم ښکلا شي
دې چم کې یو خومار غوندې زلمی دی لکه ته

یو څوک دی چې په زړه مې داسې وړانګې وړانګې اوري
یو څوک مې په زړګي کې بل زړګی دی لکه ته

له خیاله مې ژوندی شو یو انځور د خوږې مینې
ډیر خوږ دی، مینه ناک دی، غرڅنی دی لکه ته

ساتلی مې دوعاو دی راټول پرې رقیبان دي
ښایسته د اغزو منځ یو بابری دی لکه ته

لرم د مینې پیر مې دزړګي په خانقا کې
معصوم ته یو څوک داسې ګلالی دی لکه ته

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x