شعـــــرونه

نازولې مرحله؛ اکرام الدين مفتون

اکرام الدين مفتون 

خـير که د وحشت د سيند څپه را لنډه شوې ده
مــــونږ ته هـم د امـــــن کِــناره را لنډه شوې ده

نور د سپين سهار تر خوږې غېږې رسېدونکي يو
دغــه د ســـتړياوو تـوره شـــپه را لنډه شوې ده

دا خـــو شــهـادته! تـا ســـــره زمــونږه مـينه ده
ځکـه مــــو تر مـينځه فاصـــله را لنډه شوې ده

اوس زموږ وطن کې څوک ښېراوې چاته نه کوي
دومـــــره مـــــو تـر کلـي هـديره را لنډه شوې ده

نوره د خـــــزان د اجـــــل پـاڼـه زېړه شـوې ده
مسـته پســــــرليه سـتا وږمــه را لنډه شوې ده

هغه تور او سپين پټکي چې ګران هېواد پرې ښکلى ؤ
بيـــا يې نـازولــــې مــــــرحله را لـنډه شوې ده

شـــوى په مـفتون دى د يو چـــا د جدايۍ اثر
ځکـه يې مـلګــرو حـــــوصله را لنډه شوې ده

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
بخت محمد هوتک

دیر عالی او په زړه پوری شعر ده ان شاالله امید لرو الله ته

Back to top button
1
0
Would love your thoughts, please comment.x
()
x