د ځانګړو ځواکونو او اربکيانو دوه قومندانان وژل شوي
نن ټکی اسیا (يکشنبه، ۱۱ لړم، ۱۳۹۸ل): طالبانو په پکتيا او ميدان ودرګ ولایتونو کې د ځانګړو ځواکونو او اربکيانو دوه قومندانان وژلي دي.
د طالبانو وياند ذبيح الله مجاهد وايي چې تيره ورځ يې د پکتيا ولايت مرکز ګرديز اړوند بالاحصار ته نژدې سيمه کې يې د ځانګړو ځواکونو يو تن قومندان ظابط وحيدالله په يو تکتيکي بريد کې وژلی دی.
#الفتح:
تیرماښام د پکتیا ولایت مرکر گردیز اړوند بالاحصار ته نژدې سیمه په چاپه وهونکي دښمن باندې د ځانګړو عملیاتو په لړکې د کمانډو عسکرو ظالم افسر(ضابط وحیدالله) په یوه خاص برید کې ووژل شو او د خپلو شومو اعمالو په سزا ورسید. pic.twitter.com/kw4aHaTGlU— Zabihullah (..ذبـــــیح الله م ) (@Zabehulah_M33) November 3, 2019
همدا راز نوموړی وايي چې د ميدان ودرګ ولايت په سيد اباد ولسوالۍ کې يې د غزني ولايت د قره باغ ولسوالۍ د اربکيانو عمومي قومندان محمد حسن هم په يو بريد کې وژلی دی.
#AlFath
Chief Arbaki militia commander for Qarabagh district #Ghazni (Muhammad Hassan) was gunned down & brought to justice by Mujahidin close in Sayedabad district peripheries #Wardak https://t.co/E12hoasdku— Zabihullah (..ذبـــــیح الله م ) (@Zabehulah_M33) November 3, 2019
تر اوسه دولتي سرچينو د دواړو وژل شويو قومندانانو په اړه څه نه دي ويلي.
د يادونې وړ ده چې په دې وروستيو کې په افغانستان کې په بهرنيو او کورنيو عسکرو د طالبانو بريدونه زيات شوي دي چې له امله یې د ګډو ځواکونو په مرګ ژوبله کې هم زياتوالی راغلی دی.
طالبانو تيره ورځ ويلي وو چې په څلورويشت ساعتونو کې يې تر سلو ډیرو امنيتي ځواکونو ته مرګ ژوبله اړولې وه.
