شعـــــرونه

انعکاس: محمد انور تبسم

محمد انور تبسم 

تر قاتل نه رسي ښېرې مو څومره ډېرې وکړې
بې خونده ژونده ! جنازې مو څومره ډېرې وکړې

نه مو اسمان واوري فرياد او نه د زمکې خلک
سوال مو قبليږي نه سجدې مو څومره ډېرې وکړې

د ځناورو د خندا دې کړو بدرنګه جنګه !
مينه مو ونه کړه جګړې مو څومره ډېرې وکړې

په کور د ننه چې جرګه نه شو باور نه کوم
د بل په کور باندې جرګې مو څومره ډېرې وکړې

پر ګورګوتو څڼو ونه موسيدو،ورژېدو
په دامانونو باندې شپې مو څومره ډېرې وکړې

وبښه مينې ! ستا څپرکي ته ونه رسيدو
په اوسنۍ وضعه کېسې مو څومره ډېرې وکړې

نه مونږ بدل شوو تبسمه ! نه هغه بدليږي
له نصيبونو نه ګيلې مو څومره ډېرې وکړې

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x