افغانستان

لویه څارنوالي: په تېرو اووه میاشتو کې ۱۴ څارنوالان وژل شوي

نن ټکی اسیا (سه شنبه، ۱۴ لړم، ۱۳۹۸ل): د کابل حکومت اړوند لویه څارنوالي وايي، په تېرو اووه میاشتو کې ددې بنسټ ۱۴ تنه څارنوالان وژل شوي.

د لويې څارنوالي ویاند «جمشید رسولي» له «هشت صبح» ورځپاڼې سره په خپلو خبرو کې ویلي « د ۱۳۹۸لمریز کال له پیله تر دې دمه د لويې څارنوالي ۱۴ څارنوالان او مسلکي کارکوونکي وژل شوي».

د رسولي په خبره، په څارنوالانو برید په «عدالت برید» دی او هغه څوک یې کوي، چې د قضايي او عدلي ارګانونو سره د مجرمینو په نامه ثبت دي او یا هم محاکمو ته ور پېژندل شوي.

د څارنوالانو د ترور خبرونه داسې مهال زور اخلي، چې زیاته برخه هیوادوال په عدلي او قضايي ارګانونو کې له پراخ فساد او رشوت اخستنې سر ټکوي او څارنوالان تورنوي، چې له پيسو پرته یې دوسیې نه څېړي.

یاده دې وي، چې د حکومت په عدلي ارګانونو کې د فساد له امله اوس زیاتره  وګړي، خپلې ستونزې د طالبانو محاکمو ته رسوي او د هغوی له لارې یې د حل هڅه کوي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x