نړۍ

د هند سترې محکمې د بابري جومات پر ځای د هندوانو «مندر» جوړولو امر وکړ

نن ټکی اسیا (شنبه، ۱۸ لړم، ۱۳۹۸ل): د هند سترې محکمې د هندوانو له لوري د نړول شوي جومات په اړه نن پرېکړه وکړه او د دغه نړيدلي جومات ځمکه يې هندوانو ته ورکړه، چې هغوی پرې خپل عبادت ځای «مندر» جوړ کړي.

د هند په اترپرديش ښار ايوديا ښار کې د مسلمانانو بابري جومات وو، د هندوانو له لوري نړول شوی و او اوس د هند سترې محکمې پرېکړه وکړه، چې پر دغه لانجمنه خاوره دې د هندوانو مندر جوړ شي او د جومات لپاره دې مسلمانانو ته نوره ځمکه ورکول شي.

د محکمې د پرېکړې له مخې سني مسلمانانو ته به په ياده سيمه کې د جومات جوړولو لپاره پنځه هيکټاره ځمکه ورکول کيږي.

د هند د قاضي القضات رنجن ګوګي په مشرۍ د قاضيانو پنځه کسيز بورډ د بابري جومات په اړه د پرېکړې لپاره د سختو امنيتي تدابيرو پر مهال اترپرديش ايالت ته تللي وو.

د سترې محکمې په پرېکړه کې راغلي، چې بابري جومات د هندوانو پر خاوره جوړ شوی او دا ځای بېرته هندوانو ته وسپارل شي.

د هندوانو مشران ادعا کوي، چې بابري جومات د دوی د يوه خدای «رام» د پيدا کېدو په ځای کې جوړ شوی دی.

د هند لومړي وزير له خلکو د کرار او باامنه اوسېدو غوښتنه کړې او ويلي يې دي، چې د محکمې پرېکړه بايد هېڅ لوری د بريا او ناکامۍ په نوم تعبیر نه کړي.

د بابري جومات قضيه په ۲۰۱۰ کال کې د هند سترې محکمې ته راجع شوې وه، چې روان کال بشپړه شوه او د جومات دغه ځمکه هندوانو ته وسپارل شوه.

د بابري جومات تاريخي شاليد

د اترپردیش په ايودهيا سيمه کې دا جومات د مغل پاچا ظهيرالدين محمد بابر په نوم په ۱۵۲۸ کال کې د يوه ځايي قومندان له لوري جوړ شوی و.

د سيمې سخت دريځي هندوان ادعا کوي، چې مغلي قومندان دغلته د هندوانو مندر نړولی او پر ځای يې بابري جومات جوړ کړی دی.

له تېرو څو پېړيو د بابري جومات په اړه د هندوانو او مسلمانانو ترمنځ ناندرۍ او نښتې شوي، چې بالاخره د تېرې پېړۍ ۱۹۴۹ کال کې محکمې د جومات بندولو امر وکړ.

په ۱۹۸۰ کې د هند «بې جې پي» ګوند د يوه مشر ايل کې ايډواني په مشرۍ ځايي هندوانو د بابري جومات پر ځای يې د هندوانو مندر جوړولو پرېکړه وکړه، چې بالاخره د ۱۹۹۲ کال په شپږم دسمبر زرګونو هندوانو بابري جومات شهيد کړ او پر ځای د مندر جوړولو لپاره ډبرې کېښودې او هلته يې مندر جوړ کړ.

سترې محکمې ويلي و، چې د تاوتريخوالي د مخنيوي لپاره به د بابري جومات په اړه مناسبه پرېکړه وکړي، خو داسې ښکاري، چې د محکمې د نننۍ پرېکړې له امله به يو ځل بيا په اترپردېش او ټول هند کې د مسلمانانو او هندوانو ترمنځ خونړۍ نښتې رامنځته شي.

ټاګونه

ورته لیکنې

ګډون وکړئ
خبرتیا غوښتل د
guest
2 Comments
زړو
نویو ډیرو خوښو شویو
Inline Feedbacks
ټولې تبصرې کتل
غ.حضرت

سلام علیکم.
څو ویشت کاله مخکی کله چی بابری مسجد د افراطی هندواڼو پلاس ویران سو نو خدای شاهد دی چی د خپګان اوښکی می توی کړې البته نه یوازی د مسجد د حرمت د پایمالېدو پخاطر بلکه انسانی انګېزه هم پکی دخیله وه یعنی د هند په ټولنه کی د مذهبی – اجتماعی تاوتریخوالی د احتمالی زیانونو بېره.
هند له جغرافیائی او بشری لحاظه یو ستر هیواد دی چی اکثریت خلګ ئې د یو ځانګړی مذهب او فرهنګ درلوونکی دی. پر دې هیواد د تاریخ په ځینو پړاوونو کی د اقلیت فرهنګ او مذهب خاوندانو حکمرانی کړېده چی البته د هندو ټولنی پر هر اړخیز شتون ئې مثبتی اغیزی شیندلی دی.
د هند پر هیواد د اوسني ډموکراټیک سیاسی سیسټم حاکمیت ددې لامل سوی دی چی هندواڼ او غیر هندواڼ په ملی روحیه سمبال او یو د بل په څنګ کی سوله ایز ژوند ولری او دا د ډېری خوښی ځای دی چی هندی ټولنی د دموکراسۍ پر ځای کوم بل فکری- سیاسی سیسټم ځانته نه دی غوره کړی کوم چی مذهبی او نژادی بنسټ ئې درلودای چی په هغه صورت کی به غیر هندوئی ټولنه سخته ځپل سوې وای البته د اوسنی حکومت ( چی د افراطی هندواڼو نمایندګی هم کوی) ځینی کړنی د تشویش او اضطراب او اندېښنې وړ دی چی حکومت او حاکمی کړۍ ئې باید د بدو پایلو د تاوان د درک توان ولری.
امّا اصلی خبره:
اوس خو دا پېښه رامنځته سوېده او بابری تاریخی مسجد دوې درې لسیزی مخکی ویران سوی دی او ستری محکمې د هندواڼو په ګټه خپله فیصله صادره کړېده نو:
هیله ده چی مسلمانه هندۍ ټولنه روان واقعیتونه ( که څه هم شاید ترخه وی) ومنی او د تاوتریخوالی او منفی او ویرانوونکو غبرګونونو څخه فاصله ونیسی او د محکمې دا فیصله چی مسلمانانو ته نوره څلور پنځه هکټاره مځکه د مسجد لپاره اختصاص سوې او ځانګړې سوېده، غنیمت وګڼی او د بابری د پخوانی مسجد د مځکی د مالکیت د ادعا څخه د نور تشنج د مخنیوی پخاطر لاس واخلی او دا اصل ومنی چی:
ځینی وختونه د لویو تاوانونو او نقصانونو د تحمیل او تپلو د مخنیوی پخاطر باید د وړوکو تاوانونو او نقصانونو د زغم کچه لوړه وساتل سی.
هیله ده چی د هند مسلمانان د هندواڼو په څنګ کی ( چی متأسفانه سرنوشت ور ته ټاکلی دی) سوله ایز او آرام ژوند ولری البته هغه ورځ راتلونکې ده ( سبا یا یوه پېړۍ وروسته) چی هندواڼ به خپل مندر خپله په مسجدونو بدلوی او د غواوو سره به نوی حساب او کتاب پرانیزی.

پتنګ

غنېې خو به تر ټو لمړی د خپل هندو ملګري مودي سر ه عبادت پکښې ادا کوي او ګورو ګورو نارې به وهي ! !
نالت په داسي دیموکراي چې300کلن مسجد ړنګیږي او په ځای ئي د هندو چټل مندر جوړیږي ، دي ته وایې د موډي هندو ناڅونالیزم چې هم له کشمیره خپله ازادي اخلي او هم تاریخي مسجونه ورانوي !!

Back to top button
2
0
Would love your thoughts, please comment.x
()
x
Close
Close