شعـــــرونه

اراده؛ اکرم الدین مفتون

اکرم الدین مفتون

کـوم زړه کـې چې د زړونو د رشتو اراده نشته
دې زړه د جـهـالـت نـــه د وتــو اراده نشته

يا مړ دى او که مړ نه وي نو پړ دى خپل خالق ته
چې چـا سره د خپـل حـق د غوښـتـو اراده نشته

تر څو چې د اسلام دښمنان ځمکه کې موجود وي
تـر هـغې مې سپـوږمـۍ تـه د خـتـو اراده نشـته

چـې تـه راتـه پخپله د خپل مـرګ جـواز رانکـړې
نو ماسره هيڅ وخت ستا د ويـشـتو اراده نـشته

پښتون هغه پښتون نه دى پښتو چې پښتنه کړي
پښتون سره اوس هـغـه د پـښـتو اراده نـشـته

انـسان يم مسلـمان يم مکلـف يمـه خـوشـال يم
لـه دغـې دائــرې مــې د وتــو اراده نـشـتـه

مفتـونـه مجاهـد يـمـه په پاک مسيـر روان يم
په مـرګ مـې ترېـنـه هـم د اوښـتـو اراده نـشته

ټاګونه

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x
Close
Close