غزل؛ شفاعت ريحان

شفاعت ريحان

هېرول مې د لالي بېخي ستونزمن دي
پرېښودل د دې سړي بېخي ستونزمن دي

مينه، درد، بېلتون، او هجر د يارانو
دا کارونه خدای راستي بېخي ستونزمن دي

زړۀ! د چا په محبت کې ليونی شي
رَغَوَل د ليوني بېخي ستونزمن دي

د هيواد مشرقي څنډې اور اخيستی
ولاياتِ جنوبي بېخي ستونزمن دي

پکي پيل د ګلاب ځوانيو لَوْ شي
موسمونه د سپرلي بېخي ستونزمن دي

شفاعته! له دې درو نه دي خدای ساته
غم او ياد او عاشقي بېخي ستونزمن دي

شفاعت ريحان

د نن ټکی اسیا یوټیوب چېنل
avatar
  ګډون وکړئ  
خبرتیا غوښتل د