روغتیا

د پوستکي وچوالی روغتیایي ستونزې په ډاګه کوي

نن ټکی اسیا (سه شنبه، ۲۱ لړم، ۱۳۹۸ل): د ژمي په یخه او وچه هوا کې د بدن پوستکی په اتومات ډول وچوالی غوره کوي، چې دا د ورښت نه شتون او د ګردجنو بادونو لګېدلو پایله وي.

په لومړي سر کې د بدن پوستکي وچوالی یوه عادي خبره ګڼل کیږي خو که چیرې دوام اختیار کړي نو دا د ګڼ شمېر نورو ناروغیو خوا ته اشاره کوي.

پوهان وایي چې د پوستکي وچوالی یا په اصطلاح خوشکوالی یوازې د بدن ښکلا له منځه نه وړي بلکې د روغتیايي ستونزو خوا ته هم ژوره اشاره کوي.

د پوستکي ناروغۍ جرمني ډاکټر پروفیسر «فیلیپ بابیلاس» ویلي چې د پوستکي وچوالی ممکن د جلدي ځینو ناروغیو ته اشاره وي، لکه د جلدي عصبي انفیکشن، اګزیما (مخ یا نور بدن پړسېدل) جلد پمنېدل (دانې راختل) او حساسیت.

ځینې مهال د جلد وچوالی د شکر ناروغۍ ابتدایي نښې هم په ډاګه کوي، یا د مرۍ پړسېدل «هایپوتایرایدیزم»، د پښتورګو ضعیف کېدل، د هاضمې سیستم ناروغۍ، د کولون انفیکشن او خوارځواکي ته هم اشاره کیدلای شي.

د جلد وچوالي نور لاملونه د عمر ډيروالی، میراثي یا جنیتکي ناروغۍ شتون، د وینې کمښت، ځینې درمل خوړل، لکه «د امیندوارۍ مخنیوي ګولۍ»، د زړه ناروغۍ درمل، روماتیزم او د میټابولیتک غوړو ګډوډېدل.

په هر حالت کې د پوستکي دوامداره وچوالي یا سختې خوشکې پرمهال له ډاکټر سره مشوره وکړئ، همدا راز د سخت خارښ او نورو نښو رابرسیره کېدو پرمهال هم ډاکټر ته رجوع وکړئ، تر څو ددې اصلي لاملونه په ډاګه شي او په مناسب ډول یې درملنه وکړل شي.

ټاګونه

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x
Close
Close