هغه لوبغاړي چې په ۲۰۱۹م کال کې یې په شل اوریزو نړیوالو لوبو کې هیټرک کړی

نن ټکی اسیا (چهارشنبه، ۲۲ لړم، ۱۳۹۸ل): په شل اوریزو نړیوالو سیالیو کې د توپ اچونکي لپاره هیټریک اخیستل ستونزمن ګڼل کیږي خو ځینې داسې تکړه لوبغاړي شته چې په ۲۰۱۹م کال کې یې هم دغه څلی خپل کړی دی.

د کرېکټ نړیوالې شورا په خپله پاڼه د هغو لوبغاړو عکسونه خپاره کړي چې په ۲۰۱۹م کال کې يې په شل اوریزو نړیوالو سیالیو کې د ویکټو هیټریک ترسره کړی دی.

په دې لوبغاړو کې د راشد خان په شمول لاست ملینګا، محمد حسنین، خاور علي، نورمان ونووا او دیپک چاهر شامل دي.

Ranked No.1 on the MRF Tyres ICC T20I Rankings for bowlers, Rashid Khan claimed the first of many T20I hat-tricks in 2019. He ran through the Ireland middle-order, taking four in four balls, as Afghanistan won by 30 runs to claim the series 3-0!راشد خان

د ۲۰۱۹م کال لومړی هیټریک د افغانستان لوبډلې مشر راشد خان وکړ چې د ایرلینډ لوبډلې پر وړاندې یې په دریمه شل اوریزو سیالیو کې د ایرلینډ پرلپسې څلور لوبغاړي وسوځول او د ۳۰ منډو په توپیر یې سیالۍ وګټله، افغان لوبډلې دغه لوبلړۍ کې په ۳-۰ بریا خپله کړې وه.

Faced with the embarrassing prospect of getting clean-swept at home, Sri Lanka captain Lasith Malinga led from the front to dismiss four Kiwi batsmen in as many balls, starring in his side's 37-run win.لاست ملینګا

د نړۍ مشهور یارکر ویشتونکی سریلانکایي توپ اچونکی لاست ملینګا یوازینی لوبغاړی دی چې په شل اوریزو او یو ورځنیو لوبو کې یې په ۴ توپونو ۴ لوبغاړي سوځولي دي، نوموړي په ۲۰۱۹م کال کې د نیوزیلند لوبډلې پر وړاندې هیټریک وکړ او په څلورو توپونو یې ۴ ویکټې واخیستې، په دغه لوبه کې سریلانکا د ۳۷ منډو په توپیر بریا خپله کړې وه.

The 20-year-old Mohammad Hasnain produced a masterclass in death bowling to dismiss Bhanuka Rajapaksha, Dasun Shanaka and Shehan Jayasuriya off successive deliveries. But his efforts weren't able to prevent Sri Lanka from winning that game.محمد حسنین

د پاکستان لوبډلې ځوان چټک توپ اچونکي محمد حسنین د سریلانکا لوبډلې پر وړاندې په شل اوریزو سیالۍ کې هیټریک ترسره کړ خو لوبډلې ته یې بریا ورنشوه کړای، نوموړی یو له ځوان توپ اچونکو څخه دی چې د ویکټو هیټریک یې کړی دی.

Netherlands were 71/3 after nine overs against Oman in a match of the Pentangular series. They were reduced to 71/6 after the first three balls of the 10th over as Khawar Ali took a hat-trick that helped restrict Netherlands to just 94.خاور علي

خاور علي چې د عمان لوبډلې توپ اچونکی دی د هالینډ لوبډلې پر وړاندې په شل اوریزو سیالۍ کې په لسم اور کې درې پرلپسې لوبغاړي وسوځول او هیټریک یې بشپړ کړ، د نوموړي په غوره توپ اچونې سره هالینډ لوبډلې په ټاکلو شلو اورونو کې یوازې ۹۴ منډې جوړې کړې وې.

Norman Vanua was fantastic throughout the ICC Men's T20 World Cup Qualifier, but his best performances came against Bermuda when he dismissed Dion Stovell, Kamau Leverock and Deunte Darell in succession to set up an easy win for Papua New Guinea.نورمان ونووا

د پي ان جي لوبډلې لوبغاړي نورمان ونووا د شل اوریزو غوراوي سیالیو له لارې خپله لوبډله نړیوال جام ته ورسوله، خو د برمودا لوبډلې پر وړاندې یې د ویکټو هیټریک په زړه پورې و، چې لوبډلې ته یې بریا ورکړه.

Deepak Chahar had already taken three crucial wickets in the decider against Bangladesh, and he capped things off with a hat-trick to help bowl Bangladesh out for 144 in chase of 175. His figures of 6/7 became the best registered in all men's T20Is.دیپک چاهر

د هندوستان لوبډلې نوي لوبغاړي د بنګلدیش پر وړاندې هغه مهال د ویکټو هیټریک وکړ چې لوبډله یې د سیریز بایللو په درشل کې وه، خو د نوموړي ۶ ویکټې د ۷ منډو په بدل کې بنګلدیش لوبډله د ۱۷۵ هدف په پوره کولو کې په ۱۴۴ منډو وسوځېدله. دیپک چاهر په دې لوبه کې د شل اوریزو سیالیو تر ټولو غوره توپ اچونه هم ترسره کړه.

د یادونې وړ ده چې د کرېکټ په نړۍ کې د پاکستان لوبډلې چټک چپ لاسي غوره توپ اچونکي وسیم اکرم په نړیوالو لوبو کې تر ټولو زیات هیټریکونه ترلاسه کړې دي، نوموړی یوازینی لوبغاړی دی چې په یو ورځنیو لوبو کې یې ۳ هیټریکونه کړي دي.

د نن ټکی اسیا یوټیوب چېنل
avatar
  ګډون وکړئ  
خبرتیا غوښتل د