نړۍ

مولانا فضل الرحمن د حکومت ضد ازادي مارچ ختم او په ټولو ښارونو کې د مظاهرو اعلان وکړ

نن ټکی اسیا (چهار شنبه، ۲۲ لړم، ۱۳۹۸ل): د پاکستان جمعیت علمای اسلام ګوند مشر مولانا فضل الرحمن په اسلام اباد کې د حکومت خلاف د اپوزيسيون ګوندونو «ازادي مارچ» د ختمولو او پر ځای يې په ټول هېواد کې د حکومت ضد لاريونونو او احتجاجي ناستو اعلان وکړ.

مولانا فضل الرحمن شېبه مخکې اسلام اباد کې د ازادي مارچ ګډونوالو ته د وينا پر مهال د احتجاجي ناستې د ختمولو اعلان وکړ او زياته يې کړه، چې تر دې وروسته به د اپوزيسيون ګوندونو غړي او پلويان د ټول هېواد په کچه په خپلو ښارونو کې د حکومت ضد لاريونونو ته دوام ورکوي.

مولانا زياته کړه، چې په هېڅ صورت د لومړي وزير عمران خان حکومت نه مني او تر هغو به خپلو مظاهرو او احتجاجي ناستو ته دوام وکړي، تر څو، چې عمران خان استعفا نه وي ورکړي.

د جمعيت علمای اسلام مشر له خپلو پلويانو او د اپوزيسيون ګوندونو له ټولو غړو مننه وکړه، چې شاوخوا دوه اونۍ يې د حکومت ضد احتجاجي ناسته کې زغم وکړ او هغوی ته يې وويل، چې نور بايد په منظمه توګه خپلو ښارونو ته ولاړ شي او هلته د حکومت پر ضد خپلو مظاهرو او احتجاجي ناستو ته دوام ورکړي.

ټاګونه

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
Mujahid

فضل الرحمن تر ټولو غلام او خبیث او خبیث انسان دی دا چه د عمران ځان په مقابل کی به یی څومره ډالره له انګریزانو ترلاسه کړی هغه به هغه وخت معلومیږی چه انګریزانو د ارزال الرجمان په مظاهرو کومه د پام وړ لاسته راوړنه ونه لری . نو که انګریزان خالی لاسی شول ارزال الرحمن به هم خالی لاسی او په میدان به دی ګیدړ په شان شرمیدلی پاتی وی

Back to top button
1
0
Would love your thoughts, please comment.x
()
x
Close
Close