غزل؛ اسیر حقاني

اسیر انس «حقاني»

زما د عشق د ازمویني مرحلې دي
دهجران ځنځیر په ما جوړي حلقې دي

اوس خوندونه له دردو اخله زړګیه
ستا دمینی خو همدا مستي شیبې دي

یا وصال دی یا به تل دي هجر خپل شي
د مینو بس همدغه دوې قیصې دي

د امید ډیوه رڼا ساته په وینو
خیر که هرخوا تورتمونه دي تیارې دي

زمانې دا کوڼ جهان په دې خبرکړه
زمونږ ارواحوي دایمان په نور پخې دي

نه په مرګ ماتیږي نه د غم په توره
د ابد ژوندون ریښتیني نمونې دي

دا ړانده وګړي کله پرې پوهیږي
چې کوم راز باندي غښتلي دا سینې دي

حقیقت دي پیژندلی دی انسه
په هرکار کې دي خوندونه دې مزې دي

د نن ټکی اسیا یوټیوب چېنل
avatar
  ګډون وکړئ  
خبرتیا غوښتل د