افغانستان

طالبانو دامريکايي  پوهنتون دواړه بهرني استادان خوشې کړل

نن ټکی اسیا (سه شنبه، ۲۸ لړم، ۱۳۹۸ل): نيويارک ټايمز ورځپاڼې ويلي، طالبانو کابل کې د امريکايي پوهنتون دواړه بهرني استادان له درې کالو بند وروسته خوشې کړي دي.

سرچينې وايي، امريکايي پروفيسر کوين کينګ او استراليايي پروفیسر تيموتي ويکي نن له غرمې مخکې د زابل په نوبهار ولسوالۍ کې امريکايي پوځيانو ته سپارل شوي دي.

امريکا او طالبانو تر اوسه په دې اړه رسمي غبرګون نه دی ښکاره کړی.

د يادونې ده، چې د طالبانو د مرستيال ملا سراج الدين حقاني ورور انس حقاني، د هغه ماما حاجي مالي خان او د قطر دفتر غړي مولوي محمد نبي عمري ورور حافظ عبدالرشيد تېره شپه امريکايانو د بګرام له زندانه خوشې کړي او قطر ته رسېدلي دي.

قطر کې د طالبانو د سياسي دفتر سرچينو منلې، چې درې واړه بنديان قطر ته رسېدلي او د امريکايي پوهنتون د استادانو له خوشې کولو وروسته درې واړه بنديان په قطر کې د طالبانو سياسي دفتر ته سپارل شوي دي.

د چارو څارونکي وايي، د بنديانو تبادله به د امريکا او طالبانو ترمنځ د سولې درېدلو خبرو د بيا پيلېدو لامل شي.

ورته لیکنې

ګډون وکړئ
خبرتیا غوښتل د
guest
2 Comments
زړو
نویو ډیرو خوښو شویو
Inline Feedbacks
ټولې تبصرې کتل
اجمل

د عمران خان کور دی آباد وی.

څبیب الرحمن آڅکزی

افرین امریکایان مو خوشی کړله خو پښتانه وژنی او ځانمرګی پری کوی او کورونه یی ور خرابوی

Back to top button
2
0
Would love your thoughts, please comment.x
()
x