افغانستان

دوستم: که سرتېرو بیا ځلې په عامو خلګو ډزې وکړې؛ حالت به د ډاکټر نجیب تر وخت لا خراب شي

نن ټکی اسیا (سه شنبه، ۲۸ لړم، ۱۳۹۸ل): د ګډ حکومت د مشر لومړی مرستیال «دوستم» وايي، که سرتېرو بیا ځلې په عامو خلګو ډزې وکړې، حالت به د ډاکټر نجیب له وخت لا هم خراب شي.

د «صبح کابل» ورځپاڼې د راپور له مخې، دوستم په شبرغان ښار کې د ولسي جرګې له یو شمېر غړو او د ثبات او همپالنې ټیم له غړو سره په ګډه یوې ناستې ته وویل « د هیواد هر وګړی پوهېږي، چې اشرف غني تقلب کړی که چېرې نوموړی د عامو خلګو په وړاندې درېږي، له وړاندې دې په خپل تابوت مېخونه ووهي.»

نوموړي زیاته کړه « د رایو د بیا ځلې شمېرنې د امنیت په پلمه د ټانګونو ځای په ځای کول خطرناکې پایلې لري او که چېرې کوم سرتېری زموږ ملت په توپک او میل باندې وهي؛ حالت به د ډاکټر نجیب له وخت هم خراب شي.»

د نوموړي په خبره، د دفاع او کورنیو چارو وزیر په خلګو باندې د ډزو امر نه دی ورکړی؛ بلکې امنیتي مسئولینو د ارګ تر فشار لاندې دا کار کړی.

دوستم وروسته له هغه غني ته ګواښ کوي، چې څو ورځې وړاندې د رایو د بیا شمېرنې د بهیر په مخالفو لاریونوالو د ډزو راپورونه خپاره شول.

ټاګونه

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
عبدالواحد

نجیب ګوهمتادتاریخ کندی ته وسپارۍ اشرفغنی یی شاګرد دۍ دۍ هم وسپاره دابه دی یوتاریخ سی

Back to top button
1
0
Would love your thoughts, please comment.x
()
x
Close
Close