غزل؛ خوشال کليوال

خوشال کليوال

هغه چې پرون و څيري ګریوان لکه یوسف
پاچا دی د ګلونو، راروان لکه یوسف

زما ړانده نظر ته یې چا نه راووړ قمیص
نه زه لکه یعقوب شوم، نه جانان لکه یوسف

دنیاوي بیلي بیلي دي د زړونو ځکه نو
یوه هیله زلیخا وي، یو ارمان لکه یوسف

هغه د زړه د مصر، وزیر د خزانو دی!
خیر نن که په دې ښار کې دی ارزان لکه یوسف

دیدن د بِنیامین دی قحط کړی وچکالۍ
بار کړي په غنمو چا اوښان لکه یوسف

چې ما خوشحال ته وایي تعبیرونه ګلالي
په زړه کې مي اسیر دی، داسي ځوان لکه یوسف

د نن ټکی اسیا یوټیوب چېنل
avatar
  ګډون وکړئ  
خبرتیا غوښتل د