ټکنالوژي

ټویټر وایي ډیر ژر به «غیر فعال» اکاونټونه بند کړي

نن ټکی اسیا (چهارشنبه، ۶ لیندۍ، ۱۳۹۸ل): د ټولنیزو رسنیو مشهورې پاڼې ټویټر اعلان کړی چې له دې وروسته به غیر فعال اکاونټونه په بشپړه توګه بند کړي.

د ټویټر چارواکي وایي، دوی به هغه اکاونټونه چې له تېرو شپږو میاشتو نه دي استعمال شوي ډير ژر بند کړي.

د یاد شرکت له خوا دغه ګام د محرمیت یا پرایویسي تګلارې اوسمهالولو لپاره شوی دی، تر څو ټویټر په ټولنیزو رسنیو یو له مهمو شبکو څخه وګرځول شي.

د ټویټر چارواکي وایي، له ډيرې مودې بند اکاونټونه ددې لپاره له منځه وړي تر څو کاروونکي ټویټر د یوې مهمې او د اهمیت وړ شبکې په توګه استعمال کړي.

لومړی به ټویټر دغه اکاونټونه دورمنت یا حساس لیست ته وغورځوي، وروسته به د راتلونکې دیسمبر میاشتې تر ۱۱مې نیټې مهلت ورکړل شي، هغه کاروونکي چې د ټویټر په استعمال کې بې پروایي کوي یا جعلي اکاونټونه چلوي په بشپړ ډول به یې اکاونټ له منځه ولاړ شي.

له ۱۱مې نیټې وروسته به که څه هم د اکاونټونو بندیدلو پړاو پېل شي خو د هغه کاروونکو چې کله نا کله اکاونټ پرانیزي خو فعالیت نه لري بیا کتنه وشي، د اکاونټ فعالیت ته په کتلو به یې پریکړه کیږي.

که چیرې کاروونکي لږ تر لږه په شپږو میاشتو کې پر ټویټر ټويټ کوي د شرکت لخوا پر دوی بندیز نه لګول کیږي، او که له ټویټ کولو پرته ټویټر ته داخلیږي دغه کسان به دویم پړاو ته وغورځول شي.

د شرکت چارواکو د وینا سره سم دغه ګام یې د ټویټر اکاونټونو فعال ساتلو لپاره کړی تر څو کاروونکي ددې محرمیت پالیسۍ سره سم پرمخ ولاړ شي، او ټویټر یوه پاکه او خوندي شبکه وساتي.

ټاګونه

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x
Close
Close