نړۍ

ګورباچوف: افغانستان کې د امريکايي پوځيانو شتون د ټولې نړۍ سولې ته ګواښ دی

نن ټکی اسیا (يکشنبه، ۱۰ لیندۍ، ۱۳۹۸ل): د پخواني شوروي اتحاد وروستي ولسمشر ميخايل ګورباچوف ويلي، امريکايي عسکر بايد له افغانستانه ووځي او هلته د بهرنيو پوځيانو شتون نړيوالې سولې او امنيت لپاره ګواښ دی.

ګورباچوف پر افغانستان د شوروي يرغل پر مهال د شوروي اتحاد ولسمشر و او له افغانستانه يې د شوروي عسکرو د ايستلو پرېکړه کړې وه.

ګورباچوف د امريکا له «سي ان ان» ټلويزون سره د مرکې پر مهال ويلي، ده د خپلې واکمنۍ پر مهال له افغانستانه د خپلو پوځيانو د ايستلو عقلمنده پرېکړه وکړه او له امريکا يې هم غوښتي، چې دغه جګړه بايد نوره پای ته ورسيږي.

۸۸ کلن ګورباچوف وايي، کله، چې ستر قدرتونه په مستقيمه توګه په جګړو کې ښکېل وي، له دې سره ټولې نړۍ ته د جګړې د اور لمبمو خپرېدو اندېښنه زياتيږي او نړيواله سوله له ګواښ سره مخ کيږي.

ګورباچوف دا څرګندونې په داسې حال کې کړي، چې د امريکا ولسمشر ډونلډ ټرمپ درې ورځې مخکې په نا اعلان شوي سفر د بګرام امريکايي پوځي اډې ته راغلی و او دلته يې امريکايي پوځيانو ته د وينا پر مهال د افغانستان جګړې د پای ته رسولو او له طالبانو سره د سولې خبرو د بيا پيلېدو په اړه خبرې کړې وې.

په سيمه کې روسيه، چين او ایران مهم هېوادونه په افغانستان کې د امريکايي پوځيانو د شتون مخالف دي او دلته د امريکا شتون د سيمې امنيت او ثبات لپاره ګواښ بولي.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
جميل

د افغانو د کلک ايمان او لوړ همت په برکت سره ډير هيوادونه د روسی استعمار او استثمار څخه آزاد شول اوس بيا د همدی موئمن ، مجاهد او غيرتی ولس په ميړانه او قربانی به ډير نور هيوادونه د امريکايی استعمار او استثمار څخه آزادی شی او د ګران هيواد په هره څوکه کی به د توحيد د سپيڅلی کليمی د سولی سپين بيرغ رپاند شی او د وروری او صداقت ژوند به بيا پيل شی ان شاءالله تعالی

Back to top button
1
0
Would love your thoughts, please comment.x
()
x