نړۍ

ټرمپ: افغانستان ته زما سفر له لاسته راوړنو ډک او خوندور و

نن ټکی اسیا (سه شنبه، ۱۲ لیندۍ، ۱۳۹۸ل): د امريکا ولسمشر ډونلډ ټرمپ ويلي، افغانستان ته يې سفر له لاسته راوړنو ډک او خوندور و.

ټرمپ تېره ورځ د ناټو په سرمشريزه کې د ګډون لپاره لندن ته له روانېدو مخکې د واشنګټن په هوايي ډګر کې له خبريالانو سره د خبرو پر مهال د افغانستان سفر ګټور او له لاسته راوړنو ډک بللی دی.

ټرمپ زياته کړه: «د افغانستان سفر مې ډېر خوښ شو، ډېر خلک مې وليدل، د ولسمشر اشرف غني په شمول نور چارواکي مې وليدل، افغانستان ته زما سفر ډېر ګټور و او اوس لندن ته روان يم او هلته به د ناټو په سرمشريزه کې د ډېرو هېوادونو له استازو او مشرانو سره وګورم.»

د امريکا ولسمشر ويلي، د ناټو په سرمشريزه کې د ګډون لپاره لندن ته ځي او هلته به د خپل هېواد استازيتوب وکړي.

ټاکل شوې، چې د ناټو په دې ناسته کې د افغانستان په موضوع هم خبرې وشي.

ډونلډ ټرمپ د تېرې پنجشنې په ورځ په نا اعلان شوي سفر د کابل په شمال کې د بګرام امريکايي پوځي اډې ته راغلی و، بګرام ته له رسېدو درې ساعته مخکې يې د ګډ حکومت مشر هم بګرام ته ورغوښتی و او هلته يې خپلو عسکرو ته د وينا پر مهال له طالبانو سره د سولې خبرو د بيا پيلېدو خبر هم ورکړی و.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x