افغانستان

نبيل: ټاکنې بې پايلې دي، بايد د ملي مصالحې حکومت جوړ کړی شي

نن ټکی اسیا (پنجشنبه، ۱۴ لیندۍ، ۱۳۹۸ل): په تېرو ولسمشريزو ټاکنو کې د امنيت او عدالت ټيم نوماند رحمت الله نبيل ويلي، د ميزان مياشتې په شپږمې نېټې ترسره شوې ټاکنې بې پايلې دي، بايد لغوه شي او پر ځای يې د ملي مصالحې نوی حکومت رامنځته شي.

ښاغلي نبيل نن په کابل کې يوې خبري غونډې ته د وينا پر مهال وويل، د ټاکنو برخلیک له ننګونو سره مخ دی، پایلې يې ناشونې بريښي او پر ځای يې بايد د جوړجاړي له مخې د مصالحې حکومت رامنځته شي.

نوموړي زياته کړه، په اوسني وضعيت کې خلک د جګړو، سولې او ټاکنو له بحثونو ستړي دي او خلک بايد له دې جنجاله وويستل شي.

نبیل وړانديز وکړ، چې د ملي مصالحې له مخې جوړېدونکي حکومت کې بايد هېڅ پخوانی ولسمشر او وزير دنده ونه لري او نه يې هم بايد لاسونه د ولس په وينو سره وي او دې حکومت لپاره بايد داسې مسلکي او متخصصين خلک وګومارل شي، چې بې طرفه وي، تر څو هېواد ته سوله او کراري راولي.

د هغه په وينا د بې پرې ملي حکومت لپاره بايد د اشرف غني او عبدالله سربېره طالبان او ټول سياستوال قرباني ورکړي.

دا په داسې حال کې، چې وړمه ورځ هم د ولسمشريزو ټاکنو نوماندانو شورا ويلي و، چې د ملي مشارکت حکومت دې رامنځته شي، چې ټولو نوماندانو ته به کې ونډه ورکړل شي، خو ارګ د نوماندانو دا غوښتنه رد کړې وه.

ورته لیکنې

ګډون وکړئ
خبرتیا غوښتل د
guest
2 Comments
زړو
نویو ډیرو خوښو شویو
Inline Feedbacks
ټولې تبصرې کتل
سيد زرغون شآه آغا

دا ټوله غله, غاصبين, قاتلين,زانيان,…..
چى سره يو ځاى سى نو خوند به وکى. او دوستم به چړچى وکى. هره ورځ به د ايشچى پر ځاى به کار ځنى اخلى. واوا دوستم

فدامحمد نومير

بسم الله الرحمن الرحيم ط
جناب نبيل صاحب . که داد اشغاللګرو لاس نه وای درباندي پروت ، په کلي دي نوم هم چا نه پيژانده. اوس په کوم انصاف او کومه خوله دا پشنهاد کوي ، چي ستاسو تر مينځ د جنجال د حل لپاره دي ، طالبان هم قرباني ورکړي . نه پوهيږو چي دا کوم ښکيلاګر په مغز او فکر کي دراچولي دي ، چي ستا له حنجرې راوزي.څومره به ښه وي چي خپله نامشروع دارايي په غريبانو او محتاجانو وويشې او بيا دا خبري وکړې.

Back to top button
2
0
Would love your thoughts, please comment.x
()
x