افغانستان

نړیوال بانک: افغانستان د سولې تر توافق وروسته هم هر کال میلیاردونو ډالرو مرستې ته اړ دی

نن ټکی اسیا (پنجشنبه، ۱۴ لیندۍ، ۱۳۹۸ل): نړیوال بانک وايي، د سولې له احتمالي توافق وروسته به بیا هم افغانستان هر کال له ۶-۸ میلیارده ډالرو مرستې ته اړتیا ولري.

د نړیوال بانک له لوري په خپاره شوي راپور کې راغلي، چې افغانستان هر کال ۱۱ میلیارده ډالرو مرستې ته اړتیا لري، چې له منځه یې یوازې ۲.۵ میلیارده ډالر د افغانستان له خپلو سرچینو او له پاتې برخې ۷۵ سلنه یې د نړیوالې ټولنې او په ځانګړي ډول د امریکا د متحده ایالاتو له لوري ورکول کېږي.

راپور وړاندې لیکي، چې د سولې تر احتمالي توافق او افغانستان ته د امنیت او ثبات تر راتګ او د ولایتونو تر منځ د تګ راتګ تر ډاډمن کېدلو وروسته په افغانستان کې د خصوصي پانګې اچونې کچه پورته کېږي او کاري فرصتونه نور هم لوړېږي.

د افغانستان لپاره د نړیوال بانک رییس «هنري کرالي» وایي، نړیواله ټولنه که غواړي له افغانستان سره خپلې مرستې کمې کړي، باید په تدریجي توګه دا ګام واخلي او په ډېر احتیاط سره د خپلو مرستو کچه کښته کړي.

نړیوال بانک داسې مهال د سولې تر توافق وروسته په افغانستان کې د پانګې اچونې د کچې لوړېدلو ته خوشبین دی، چې د امریکا د متحده ایالاتو ځانګړي استازي «زلمي خلیلزاد» د دوحې د سفر موزې په پښو کړې او تمه ده هلته له تګ وروسته له طالبانو سره د سولې درېدلې خبرې بیا ځلې او په دې توګه له هغوی سره یوه توافق ته د رسېدو هڅه وکړي.

ورته لیکنې

ګډون وکړئ
خبرتیا غوښتل د
guest
3 Comments
زړو
نویو ډیرو خوښو شویو
Inline Feedbacks
ټولې تبصرې کتل
masoom afghan

اړتیا څنګه نه لري ١٩ کاله کیژي چې دافغانانو په سرنویشت یې لوبې ووهلې.
د افغانستان اقتصاد یې خراب کړ.
د خلکو باغونه یې خراب کړل.
د خلکو له کورو یې زر پیسې غلا کړي.
نر او ښځې ځوانان یې په چرسو، پوډرو، تریاقو اموخته کړل.
مکتبونه مدرسې یې ورانې کړې.

الحاج استاذ بیانزی

امریکا که سولی ته ژمنی وی ، نو پر مونږ یی برید ولی کولو او د برید د پاره به یی د د سپټمبر نړیوال فاحعه نه رامنځته کوله، هغوی اضلاع متحده، کاناډاو، استرالیا او نوره نړی د استعمار، فساد او جنګونو لاندی نه نیوله فساد او جنګونه د استعمار وسله او وسیله ده. له موضع لیری نه شم، نړیوال بانک د نړیوال استعمار بله اقتصادی وسله او وسیله ده مطلوب هیواد ته له ننوتلو دمخه یی د مالی بندیزونو به نوم کاروی. اسلام، کفر، حرص، اطمنان، عدل او استعمار اوس چه طالبانو ورته په نظامی، سیاسی او استخباراتی او… نور لوستل »

غمی.پښتین

جوړ تازه،
بیانزی ته،
پخوانی سندره ده چه وایی،
په بام ورو ورو راځه،،،،،،،،،په ټنډه می شین خال وهلی دی،،،
ته هم لندن ښاروالی ته د سوسیال لپاره ورور ورو ورځه،
مفت خوره،مفت څښه،حساب کتاب مه منه،
تاته مهمه نه ده چه دنیا له افغانانو سره کمک کوی کنه؟ستا سوسیال خو چالان دی

Back to top button
3
0
ستاسو نظر مونږ ته دقدر وړ دی، راسره شریک یې کړئx
()
x