نړۍ

قطر: د سعودي سره د اختلافاتو د حل لپاره مذاکرات روان دي

نن ټکی اسیا (شنبه، ۱۶ لیندۍ، ۱۳۹۸ل): د قطر د بهرنیو چارو وزیر محمد بن عبدالرحمن په ایټالیا کې یوه فورم ته د وینا پر مهال ویلي چې د خلیجي اختلاف د حل په موخه د سعودي سره مذاکرات روان دي او تمه لري چې مثبتې پایلي به ولري.

نوموړي وویل چې د خلیجي هیوادونو اختلاف اوس د بندوبست حالت څخه را وتلی او د حل په موخه یې مذاکرات پيل شوي دي.

دا لومړی ځل دی چې قطر د سعودي سره د اختلاف د حل لپاره د مذاکراتو خبر ورکوي، ددې تر مخه د امریکا مشهورې رسنۍ وال سټریټ ژورنال خبر ورکړی وو چې د قطر بهرنیو چارو وزیر سعودي ته تللی او هلته یې د اختلاف د حل په موخه مذاکرات کړي دي.
د ورځپاڼې په وینا سعودي غواړي چې د خپلو ګاونډیو سره د روانو اختلافاتو کچه را ټیټه کړي.

د قطر بهرنیو چارو وزیر د خپلې وینا پر مهال ویلي چې سعودي سره په مذاکراتو کې هغه ۱۳ مادې نه دي شامل چې د محاصرې په پيل کې سعودي د شرط په توګه وړاندي کړې وې.

او زیاته یې کړه، چې مونږ کله هم سیاسي اسلام او اخوان المسلمین سره مرسته نه ده کړې، مونږ د ولسونو ملاتړ کړی د سیاسي جهتونو نه. نوموړي همداراز وویل چې د ایران سره به اړیکې د پخوا په توګه ادامه ولري، مونږ به د ایران دا ښه هیر نه کړو چې د محاصرې پر مهال یې خپل بندرونه او فضا راته خلاصه کړه.

ددې تر مخه د سعودي باچا ملک سلمان بن عبدالعزیز د قطر امیر ته بلنه ورکړې چې د خلیجي هیوادونو په سرمشریزه غونډه کې ګډون وکړي کومه چې په راتلونکو څو ورځو کې دایریږي، خو تر اوسه مالومه نه ده چې د قطر له لوري څه جواب ورکول شوی دی.

د یادونې وړ ده چې د سعودي، امارات، بحرین، مصر او ځینو نورو هیوادونو له لوري د ۲۰۱۷ جون میاشتې په ۶مه نیټه د اړیکو پرېکون اعلان شو او پر دهغه هیواد هر اړخیز بندیزونه ولګېدل چې له امله یې قطر هیواد د هوا، سمند او ځمکې له لاري محاصره او دا ګمان ډېر زیات شو چې سعودي پر قطر برید وکړي خو د امریکا له لوري د ممانعت له وجې او همداسي قطر ته د ترکي پوځونو د رسیدو وروسته دغه خطره لمنځه ولاړه.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
خیر

درواغ مه واياست خره منافقان ياست تر تاسي شيطانان ولاكه سته چہ دقطر اوسعودی پہ ما بین کی ھم شیطانت کوی

Back to top button
1
0
Would love your thoughts, please comment.x
()
x