افغانستان

د ملابرادر اخند په مشري د لسم پړاو مذاکراتو لومړۍ ورځ

نن ټکی اسیا (شنبه، ۱۶ لیندۍ، ۱۳۹۸ل): د طالبانو او امریکایانو تر منځ یو ځل بیا مذاکرات له هغه ځایه پیل شوي پر کوم ځای چې ولاړ وه.
د طالبانو ویاند سهیل شاهین پر خپل ټویټر پاڼه لیکلي:

نن د محترم ملا برادر اخند ترمشرۍ لاندې د اسلامي امارت مذاکراتي ټيم، دامریکې له مذاکراتي ټيم سره خبرې له هغه ځایه پيل کړې کوم ځای کې چې دریدلې وې. د توافقنامې د لاسلیک او اړوند موضوعاتو په هکله خبرې وشوې. مذاکرات به سبا هم دوام کوي.

شاهین زیاته کړې:

محترم انس حقاني, د افغانستان د اسلامي امارت د مذاکراتي ټيم د غړي په توګه په نننیو خبرو کې ګ‌‌‌‌‌‌ډون وکړ.

باید وویل شي چې د امریکا ولسمشر ټرمپ د روان کال ۲۰۱۹ سپتمبر میاشت کې هغه مهال د طالبانو سره مذاکرات په یوه ټویټ وځنډول کله چې طالبانو د توافقنامې تر لاسلیک مخکې امریکا ته د ورتګ څخه انکار وکړ.

د نن ټکی اسیا د معلوماتو سره سم په قطر کې د طالبانو او امریکایانو تر منځ د لسم پړاو رسمي مذاکراتو لومړۍ ورځ نن د لسو بجو څخه بیا تر دوه بجو دوام وکړ.

سبا به بیا هم دوام وکړي.

د نن ورځې په مذاکراتو کې ملا برادر اخند هم ګډون درلود.

د امریکا له خوا خلیلزاد او سکاټ میلر د پوره مذاکراتي ټیم سره موجود وه

په ننۍ غونډه کې د لومړي ځل لپاره انس حقاني هم ګډون وکړ څوک چې د نومبر میاشتې پر ۱۸مه نیټه د خپلو دوه نورو ملګرو په ګډون د امریکایانو سره تبادله را خوشي شو.

نن ټکی اسیا ته یوې سرچینې وویل چې تېره ورځ هم د طالبانو او امریکایانو تر منځ غیر رسمي ناسته شوې وه چې په هغې کې د امریکايي ځواکونو مشر سکاټ میلر هم ګډون درلود، نوموړي د نظامي معلوماتو ورکولو پر مهال وویل چې د مذاکراتو د ځنډېدو وروسته تر اوسه ۳۶۰۰ کسان (ملکیان، عسکر، بهرنیان او طالبان) د جګړې له امله ووژل شول.

نن ټکی اسیا ته د طالبانو یوه مشر مسؤول وویل چې ددغو ټولو وژنو پړه پر امریکایانو او کابل حکومت کې هغو کسانو باندي اوړي چې ددغو مذاکراتو د ځنډ او خنډ سبب شوه.

تمه ده چې د طالبانو او امریکایانو تر منځ د توافقنامې د لاسلیک وروسته د جګړو په شدت کې کمښت راشي، د بندیانو یوه لویه تبادله تر سره شي او بالاخیره بین الافغاني مذاکرات پيل شي.

ورته لیکنې

ګډون وکړئ
خبرتیا غوښتل د
guest
8 Comments
زړو
نویو ډیرو خوښو شویو
Inline Feedbacks
ټولې تبصرې کتل
ابوالوفاء

دا امريکايي جنايتکار بدمعاشان او د دوی زبون او ټيټ ګوډاګيان د هيڅ شي پابند نه دي . د اتلو طالبانو حفظهم الله مذاکراتي ډله د دغو بې بندوبارو، بې حيا او بې وجدانو عناصرو سره په ډېره سخته تاريخي مقابله کي ولاړ دي. لوی څښتن سبحانه دي ملاتړی سي. درنو دوستانو دعا ورته وکړئ چي د دې درانه مسؤوليت په ښه تر سره کولو کي موفق او سر لوړي اوسي. يا الله نور دا مسلمان ولس په دغو بدمعاشو اشغالګرو او د هغو په ټيټو ګوډاګيو مه زوروه او په خير او عافيت يې ځني وژغوره!

جميل

امين يا رب العلمين

Abdul-Rauf Alam

آمین ثم آمین.

ابوالوفاء

دغه خبر هم ولولئ: اعزام یک کندک سربازان تازه نفس امریکا به افغانستان ارتش امریکا از اعزام یک کندک رزمی جدید متشکل از سربازان تازه نفس امریکایی به افغانستان خبر داد. به گزارش اسپوتنیک، روزنامه امریکایی آرمی تایمز با نشر یک گزارش، روز جمعه(15 قوس) از اعزام یک کندک رزمی ارتش امریکا که در پایگاه «فورت درام» نیویورک مستقر هستند، خبر داده است. این کندک قرار است در زمستان امسال در قالب نیروهای چرخشی به افغانستان اعزام ‌شوند. براساس این گزارش، این نیروها قرار است جایگزین کندک سوم رزمی نیروهای هوابرد لشکر هشتاد و دوم ارتش آمریکا شده و در… نور لوستل »

عبدالله

دا خو د جنگ لابرتوار دی او د مرداری کولو او جنگی تمرین میدان.

Abdul-Rauf Alam

ابوالوفاء وروره، زه فکر نه کوم چې امریکایان نور له زوره کار واخلې، هغه دا چې، د اسلامې امارت په قربانیو د دوی ټول زور اوبه او توان یې ختم شوي.که چیری نوې عسکر هم راغلی وې، هغه به د ژر ویستلو خاسه قوا وې، چې دا نور ژر تر ژره له دی میړنې هیواده وباسې.

جميل

الحمد لله الحمدلله ثم الحمدلله امريکی او نورو ډاکوانو يی تر پايه خپل زور وواهه ، خپل ټول وحشت يی وکاروه خو د طالب جان غاړه يی کږه نکړه او نه يی هم کومه فتح وکړه ، بيرته د زوره ولويده او بيا مذاکرات کوی ، کومه خبره چی مونږ يی د ټرمپ د لغوی د لمړی اعلان سره کړيوه . داچی امريکی به طالبانو ته د څومره مليارډونو او مقامونو وعدی کړيوی خو ناپوه لدی چی دا مخلصين د مال او مقام وږی ندی دا مبارک د الله(ج) او د محمد رسول الله(ص) د ديدار تږی دی . که… نور لوستل »

الحاج استاذ بیانزی

فکر نه کوم، د امریکایانو وتلو دپاره مسایل دومره ډیر او مغلق وی چه لس میاشتی پری تیری کړی. . مذاکراتو د اوږدوالی او لغوه کیدو دلیل څه وو؟ له مذاکراتو څخه د امریکایانو اصلی هدف د غلامی اداری سره د طالبانو مذاکرات وو چه له امله به یی غلامه اداره او ۱۸ کاله اشغال ته مشروعیت ورکړی او طالبانو دباره ځان وژنه. ګوډ شیطان پوهیدلو چه طالبان د امریکایانو دغه غوشتنه نه منی، د همدی امله ګود شیطان خبری وځنډولی ګوندی وکولای شی د پرونو تش په نامه جهادی رهبرانو په شان په بیه رانیسی او د کابل غلامه… نور لوستل »

Back to top button
8
0
Would love your thoughts, please comment.x
()
x