د ملابرادر اخند په مشري د لسم پړاو مذاکراتو لومړۍ ورځ

نن ټکی اسیا (شنبه، ۱۶ لیندۍ، ۱۳۹۸ل): د طالبانو او امریکایانو تر منځ یو ځل بیا مذاکرات له هغه ځایه پیل شوي پر کوم ځای چې ولاړ وه.
د طالبانو ویاند سهیل شاهین پر خپل ټویټر پاڼه لیکلي:

نن د محترم ملا برادر اخند ترمشرۍ لاندې د اسلامي امارت مذاکراتي ټيم، دامریکې له مذاکراتي ټيم سره خبرې له هغه ځایه پيل کړې کوم ځای کې چې دریدلې وې. د توافقنامې د لاسلیک او اړوند موضوعاتو په هکله خبرې وشوې. مذاکرات به سبا هم دوام کوي.

نن د محترم ملا برادر اخند ترمشرۍ لاندې د اسلامي امارت مذاکراتي ټيم، دامریکې له مذاکراتي ټيم سره خبرې له هغه ځایه پيل کړې کوم ځای کې چې دریدلې وې. د توافقنامې د لاسلیک او اړوند موضوعاتو په هکله خبرې وشوې. مذاکرات به سبا هم دوام کوي.

— Suhail Shaheen (@suhailshaheen1) December 7, 2019

شاهین زیاته کړې:

محترم انس حقاني, د افغانستان د اسلامي امارت د مذاکراتي ټيم د غړي په توګه په نننیو خبرو کې ګ‌‌‌‌‌‌ډون وکړ.

(2/2)
محترم انس حقاني, د افغانستان د اسلامي امارت د مذاکراتي ټيم د غړي په توګه په نننیو خبرو کې ګ‌‌‌‌‌‌ډون وکړ.

— Suhail Shaheen (@suhailshaheen1) December 7, 2019

باید وویل شي چې د امریکا ولسمشر ټرمپ د روان کال ۲۰۱۹ سپتمبر میاشت کې هغه مهال د طالبانو سره مذاکرات په یوه ټویټ وځنډول کله چې طالبانو د توافقنامې تر لاسلیک مخکې امریکا ته د ورتګ څخه انکار وکړ.

د نن ټکی اسیا د معلوماتو سره سم په قطر کې د طالبانو او امریکایانو تر منځ د لسم پړاو رسمي مذاکراتو لومړۍ ورځ نن د لسو بجو څخه بیا تر دوه بجو دوام وکړ.

سبا به بیا هم دوام وکړي.

د نن ورځې په مذاکراتو کې ملا برادر اخند هم ګډون درلود.

د امریکا له خوا خلیلزاد او سکاټ میلر د پوره مذاکراتي ټیم سره موجود وه

په قطر کې د طالبانو او امریکایانو تر منځ د لسم پړاو رسمي مذاکراتو لومړۍ ورځ نن د لسو بجو څخه بیا تر دوه بجو دوام وکړ.
سبا به بیا هم دوام وکړي.
د نن ورځې په مذاکراتو کې ملا برادر اخند هم ګډون درلود.
د امریکا له خوا خلیلزاد او سکاټ میلر د پوره مذاکراتي ټیم سره موجود وه#qatartalks

— nunn.asia (@nunnasia) December 7, 2019

په ننۍ غونډه کې د لومړي ځل لپاره انس حقاني هم ګډون وکړ څوک چې د نومبر میاشتې پر ۱۸مه نیټه د خپلو دوه نورو ملګرو په ګډون د امریکایانو سره تبادله را خوشي شو.

د لسم پړاو مذاکراتو په لومړۍ ورځ د طالبانو له لوري د مذاکراتي ټیم غړي (انس حقاني) هم په لومړي ځل ګډون درلود.
نوموړی هغه وخت د طالبانو د مشر له لوري د مذاکراتي ټیم غړی نومول شوی وو کله چې په بګرام محبس کې بندي وو.#qatartalks pic.twitter.com/ZKQofnbV1B

— nunn.asia (@nunnasia) December 7, 2019

نن ټکی اسیا ته یوې سرچینې وویل چې تېره ورځ هم د طالبانو او امریکایانو تر منځ غیر رسمي ناسته شوې وه چې په هغې کې د امریکايي ځواکونو مشر سکاټ میلر هم ګډون درلود، نوموړي د نظامي معلوماتو ورکولو پر مهال وویل چې د مذاکراتو د ځنډېدو وروسته تر اوسه ۳۶۰۰ کسان (ملکیان، عسکر، بهرنیان او طالبان) د جګړې له امله ووژل شول.

د ټرمپ د ټویټ او طالبانو – امریکایانو تر منځ د مذاکراتو د ځنډ په درې میاشتنۍ موده کې ۳۶۰۰ افغانان (عسکر – طالبان – ملکيان ) ووژل شول.
د طالبانو یوه مشر مسؤول نن ټکی اسیا ته وویل چې ددغو ټولو وژنو پړه امریکایانو او هغو کسانو ته اوړي چې د مذاکراتو د ځنډ سبب شوه.#qatartalks

— nunn.asia (@nunnasia) December 7, 2019

نن ټکی اسیا ته د طالبانو یوه مشر مسؤول وویل چې ددغو ټولو وژنو پړه پر امریکایانو او کابل حکومت کې هغو کسانو باندي اوړي چې ددغو مذاکراتو د ځنډ او خنډ سبب شوه.

تمه ده چې د طالبانو او امریکایانو تر منځ د توافقنامې د لاسلیک وروسته د جګړو په شدت کې کمښت راشي، د بندیانو یوه لویه تبادله تر سره شي او بالاخیره بین الافغاني مذاکرات پيل شي.