شعـــــرونه

رڼا د سولې؛ منيب احساس

منیب احساس

څرک د سولي راوله صبا د سولي راوله
خدایه! ګل وطن ته مو رڼا دسولي راوله

بیاچي دوه خفه وروڼه یوبل ته غاړه غاړه شي
بوي د سولي راوله هوا د سولي راوله

ستړی دی ولس می خدایه نور دغو حلاتو نه
تاب د سولی راوله اشنا د سولي راوله

خدایه چي له دي مستوزلمیوخاموشي یوسي
جوش دسولی راوله څپا دسولي راوله

چي مستي زلفي واچوي زلمي د آزادی بیا
خواښي د سولي راوله موسکا د سولي راوله

په خاوره داسلام چي بیا وجود لمبه لمبه کړي
پتنګ د سولي راوله ډیوا د سولي راوله

د هر شهید زخمي او د زندان اسیر ارمان ته
ملیار د سولي راوله بورا د سولي راوله

د کونډو رنډو پیغلو او د بوري مور یتیم ته
سپرلی د سولي راوله ځلا د سولي راوله

خوشال چي شي زړګی بیا د منیب احساس
جانان د سولي راوله ښکلا د سولي راوله

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x