زابل کې نفوذي عسکر خپل اووه همسنګري وژلي

نن ټکی اسيا (پنجشنبه، ۲۱ ليندۍ، ۱۳۹۸ل): د زابل ولایت په شهر صفا ولسوالۍ کې یوه پولیس خپل اووه همسنګري وژلي او ټولې وسلې او مهمات یې طالبانو ته وروړي.

د زابل ولایت یوه امنیتي چارواکي د نوم نه ښودلو په شرط «سلام وطندار» ته ویلي، چې تېره شپه په شهر صفا ولسوالۍ کې یوه نفوذي عسکر د خپلې پوستې اووه همسنګري په ډزو وژلي او د پوستې ټولې وسلې او مهمات یې طالبانو ته وروړي.

د زابل ولایت امنیتي چارواکو تر دې دمه د پېښې په تړاو څه نه دي ویلي.

طالبانو که څه هم د نفوذي عسکر په اړه څه نه دي ویلي؛ خو د یادې ډلې ویاند «ذبیح الله مجاهد» په خپل ټویټر لیکلي «تیره شپه د زابل ولایت شهرصفا ولسوالۍ اړوند سنګر مانده سیمه کې د مزدورو عسکرو پوسته فتحه شوه. ۷ تنه عسکر ووژل شول، یو رینجر، یو لوکسل موټر له منځه لاړل، ۱۵ میله سپکه او درنه وسله او مهمات د مجاهدینو لاس ته ورغلل.»

یاده دې وي،  طالبان د امنیتي ځواکونو په لیکو کې ګڼ شمېر نفوذي کسان لري، چې وخت ناوخته د عسکرو په منځ کې بریدونه سرته رسوي او هغوی ته مرګ ژوبله وراړوي.

د نن ټکی اسیا یوټیوب چېنل
avatar
1 د تبصرو شمېر
1 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
اجمل
میلمه
اجمل

داسی غیر اسلامی او غیر انسانی عمل بیا نو د یوه نفر بیحده بی غیرتی او نامردی ښیی. یو چا سره جمع وکړه، ورسره پر یوه دسترخوان ډوډی وخوره او بیا یی ووژنه نوم پری کشږده د جهاد. نفوذی لږ شرم له خدای رسول وکړی دومره ناځوانی په ولاکه وحشی حیوانات هم چا سره وکړی.

احمد شاه
میلمه
احمد شاه

هغه نامرده بيغيرته او بي نا… چه په امدي وطن کي له يو ي افغاني مور زيږدلي خپل دين، وطن او خپلي مور سره د يهودو او نصارا د ګټو لپاره غداري کوي دسي خلګ بايد چي لکه يو وحشي حيوان مردار کړي، چه لکه تا غوندي خلکو ته د حبرت درس شي او نور پرديو ته له ځانه ځناور جوړ نکړي او ورته لکي ونه ښوراوي