افغانستان

جان بس: نړيواله ټولنه افغانستان کې د فساد خلاف پر مبارزې بې باوره شوې

نن ټکی اسيا (یکشنبه، ۲۴ ليندۍ، ۱۳۹۸ل): په کابل کې د امريکا سفير جان بس د ګډ حکومت د مشر اشرف غني هغه څرګندونې رد کړي، چې خپل حکومت د فساد ضد مبارزه کې بریالی بولي.

اشرف غني نن په کابل کې د فساد ضد په مناسبته جوړې شوې غونډې ته په وينا کې ادعا وکړه، چې حکومت يې د اداري فساد پر خلاف مبارزه کې لاسته راوړنې لري او په ورته وخت کې يې منلې، چې لا هم د فساد پر وړاندې ستونزې شته، چې بايد له منځه ولاړې شي.

د امريکا سفير وويل، په افغانستان کې اداري فساد له منځه نه دی تللی او نړيواله ټولنه د فساد پر خلاف د حکومت پر مبارزه بې باوره دی.

جان بس وويل، نړيواله ټولنه او مرستندويه هېوادونه په دې باور دي، چې افغانستان کې د دوی مرستې ضايع کېږي او د ګوتو په شمار خلکو جېبونو ته رسيږي.

افغانستان لپاره د ملګرو ملتونو د سياسي استازولي دفتر «يوناما» هم څه موده وړاندې له حکومته غوښتي وو، چې د اداري فساد پر خلاف مبارزه کې جدي شي او په دې اړه شته قوانين عملي کړي.

د يوناما مشر تداميچو يماموتو ويلي، د کابل ادارې د فساد په مخنیوي کې لازم ګامونه نه دي اخيستي او غوښتنه يې کړې، چې حکومت بايد له قانونه سرغړوونکي مجازات کړي او د اداري فساد مخه ونيسي.

ټاګونه

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
جميل

دا فساد افغانستان ته همدی امريکی او نړيوالو اشغالګرو راوست ، امريکا او نړيوال يی پر خپل ځان بی باوره سويدی .

Back to top button
1
0
Would love your thoughts, please comment.x
()
x
Close
Close