نادري ناولده

کافي وڅښئ او پياله یې وخورئ

نن ټکی اسیا (سه شنبه، ۱۰ مرغومي، ۱۳۹۸ل): د نیوزیلند په ملي هوایي شرکت (ائیر نیوزیلند) کې مسافرو ته په داسې پياله کې کافي ورکول کیږي چې له څښلو وروسته پياله خوړل کیږي.

د هوایي ډګر چارواکي وایي چې د دا ډول پيالو وړاندې کولو موخه یې د ککړتیا کمول دي.

د بهرني خبري اژانس په وینا، د ائیر نیوزیلند شرکت دغه پياله د ټوایس ځایي شرکت سره په ګډه وړاندې کړې چې چای هم په کې ساتل کیږي او خوړل کیږي هم، دغه پیاله د ونیلا خوند یا ذایقه لري.

د هوایي شرکت مدیر «نیکي شیو» وایي چې دوی په کال کې شاوخوا ۸ ملیونه داسې پیالې مسافرو ته وړاندې کوي، په دې سره ککړتیا هم کمیږي او مسافر یې هم خوښوي.

د هوایي شرکت چارواکي وایي چې دغه پیاله یې د جوارو او خوړونکي کاغذ څخه چمتو کړې ده، چې په ټولو هوايي شرکتونو کې کارول کیږي.

 

له بل پلوه ټوایس شرکت او د ائیر نیوزیلند شرکت په دې اړه نوره لیوالتیا هم لري.

د ټوایس شرکت خاوند وایي چې دوی داسې پلیټونو او کاشوغې هم چمتو کوي چې له استعمال وروسته وخوړل شي.

راپورونه وایي چې د انګلستان هوایي شرکت کې له ۲۵۰ ملیونو څخه زیاتې پيالې له استعمال وروسته ضایع کیږي، چې یوازې ۲۵سلنه یې بیا استعمال ته چمتو کیږي.

 

ټاګونه

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x
Close
Close