ټرمپ: د ایران سره جګړه نه غواړم او نه یې تمه لرم

نن ټکی اسیا (چهار شنبه، ۱۱مرغومي، ۱۳۹۸ل): وروسته تر هغه چې په بغداد کې د امریکي سفارت ځیني برخې وسوځول شوې او ټرمپ دغه کار د ایران مسؤولیت وباله، د امریکا ولسمشر ټرمپ وايي د ایران سره نه جګړه غواړي او نه یې تمه لري.

کله چې د نوموړي څخه پوښتنه وسوه چې د ایران سره اوسنی پرمختګ به په جګړه بدل شي کنه، ټرمپ ژورنالیستانو ته وویل: ایا زه جګړه غواړم؟ نه. زه سوله غواړم او د سولې خوښوونکی یم. ایران هم باید تر بل هر چا زیات د سولې غوښتونکی سي، فکر نه کوم چې جګړه به را منځته شي.

ټرمپ تېره ورځ د امریکا پر سفارت د برید وروسته پر ایران تور پوري کړی وو چې د امریکا قراردادیانو باندي يې په عراق کې برید کړی او د امریکا د سفارت سوځولو مسؤولیت یې هم د ایران بللی وو.

د یادونې وړ ده چې تېره ورځ عراقي احتجاج کوونکې د بغداد په ګرین زون کې د امریکا سفارت ته ننوتل او هلته یې ځینو برخو ته اور ورته کړ. ځکه چې دوه ورځې وړاندي امریکايي ځواکونو د ولسي خوځښت په نامه د شیعه ملیشو پر مرکز بمبار وکړ چې له امله یې ۲۵ تنه ووژل شول او په لسګونو نور ټپيان شول.

د نن ټکی اسیا یوټیوب چېنل
avatar
1 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
جميل
میلمه
جميل

ټرمپه ! په افغانستان کی ستاسو زور وختی او ويلی سو د بل سره د ټکر وس ندی درپاته ، کنه ايران خو پخوا لا ستاسو د شيطانی مثلث يو اړخ و ، روسانو هم د افغانستان تر يرغل دمخه لوړو او ليری الوتنو ته وزرونه ترپول خو په افغانستان کی يی وزرونه مات سول .