پمپیو له اشرف غني سره د «سلیماني» د وژل کېدو په تړاو تلیفوني خبرې کړې

نن ټکی اسیا (جمعه، ۱۳مرغومي، ۱۳۹۸ل): د امریکا د متحده ایالاتو د بهرنیو چارو وزیر «مایک پمپیو» د کابل حکومت له مشر «اشرف غني» سره د قاسم سلیماني د وژل کېدو په تړاو تلیفوني خبرې کړې.

د مایک پمپيو په ټویټر په همدې تړاو لیکل شوي، چې پمپیو له غني سره د ډونالډ ټرمپ د هغې پرېکړې په تړاو چې په ترڅ کې یې قاسم سلیماني ووژل شو؛ خبرې کړې.

پمپیو زیاته کړې « ایراني رژيم د سیمې د بې ثباتي اصل لامل دی، امریکا به د خپلو موخو او خلګو ساتنه وکړي.»

Spoke with Afghan President @AshrafGhani on @realDonaldTrump's decision to kill Qassem Soleimani to protect American lives at stake. The Iranian regime’s actions are a source of instability throughout the region. The U.S. will protect its people and its interests.

— Secretary Pompeo (@SecPompeo) January 3, 2020

قاسم سلیماني د سپاه پاسداران د القدس د څانګې مشر وو، چې نن سهار وختي د بغداد په هوايي ډګر کې د امریکا برید وواژه، نوموړی له ایران د باندې د پټو عملیاتو مشر وو او د سوریې او عراق په جګړو کې یې رغنده رول درلود.

د امریکا د متحده ایالاتو ولسمشر «ډونالډ ټرمپ» د نوموړي وژل کېدو ته په غبرګون کې ویلي، چې سلیماني په مستقیم او غیر مستقیم ډول د زرګونو امریکایانو په وژله کې ښکېل وو او اوس يې هم په همدې پلانونو کار کاوه.

د ټرمپ په خبره، سلیماني باید تر دې وړاندې وژل شوی وای.