د قاسم سلیماني وژنه او پر موږ‎ یې اغیز «پاته برخه»

حفيظ الدين پيرزاده

په تیرہ لیکنه کې مو پر ھغو دلایلو مرور وکړ‎ چې له مخې یې د امریکا او ایران تر منځ جگړ‎ہ په اوسنیو منحطو شرایطو کې په قوي احتمالاتو ناشوني کوي.
خو شرایط بدلیدای ھم شي، ضعیف احتمالات کله کله قوي کیدای ھم شي!

سرہ له دې چې ایران د جگړ‎ې په ډگر کې د امریکا نظامي انډول نه دی او ښایي چین یا روسیه یا دواړ‎ہ د جگړ‎ې په صورت کې د ایران مرستې ته را و نه دانگي خو بیا ھم ایران د لنډې او منځنۍ فاصلې میزائیل د امریکې نژدې نظامي اډې او په ځانگړ‎ي ډول د ټولو ناخوالو مور اسرائیل تھدیدولای شي!

که د ضعیفو احتمالاتو له مخې جگړ‎ہ ونښلي نو آیا پر موږ‎ به یې اغیز وي؟ او که وي نو څه به وي؟
زہ یې په لاندې ټکو کې خلاصه کوم:

۱- دا امکان نه لري چې د گاونډي پر کور دې اور بل وي او ستا کور ته یې تاو او لوگی را نه شي.

د ایران او امریکا په نښته کې موږ‎ خامخا اغیزمن کیږ‎و

۲- امریکایان به د سولې او د افغانستان د اشغال پای ته رسولو پروسه وځنډوي، ځکه په افغانستان کې له موجودو اډو او په سیمه کې له نورو امریکایي اډو به جگړ‎ہ پر مخ وړ‎ل کیږ‎ي.

۳- لکه څنگه چې امریکا پخپل دښمن القاعدہ پسې افغانستان ته راتگ خپل قانوني حق باله، ھمداسې به ایران ھم په افغانستان کې پخپل دښمن امریکا حمله کول خپل قانوني حق بولي او حمله به پر کوي او په نتیجه کې به زموږ‎ وطن د یوہ بل بالوکالة جنگ ( proxy war) میدان گرځي.

۴- د نړ‎ۍ تر ټولو ستر احمق مفکر چې د افغانستان ملي اردو د نیو یارک او واشنگټن د کوڅو ساتندویان بولي، به قانونا او شرعا د شکایت حق نه لري.

۵- موږ‎ په ایران کې په لکونو کډوال لرو چې ځیني یې د روسانو د یرغل له وخته ھلته اوسیږ‎ي او ځینې یې د اوسنیو جگړ‎و، بې کاریو او اقتصادي ستونزو له امله ھلته د حلال رزق په گټلو پسې تللي.

د جگړ‎ې له امله به د مھاجرینو د دې ډلې اکثریت خپل کارونه له لاسه ورکړ‎ي او ډیری به یې جبرا بیرته افغانستان ته راولیږ‎ل شي.

دا به د افغانستان لړ‎زانه اقتصاد نور ھم پسې له ناورین سرہ مخ کړ‎ي.

۶- افغانستان په وچه کې ایسار ملک دی، د خپلو صادراتو او وارداتو لپارہ اړ‎ دی چې پخپل مخ ډیرې لیارې خلاصې ولري.

له پاکستان څخه را وروسته د افغانستان تر ټولو اوږ‎د سرحد له ایران سرہ دی.

د جگړ‎ې په صورت کې د ایران له لارې د مالونو لیږ‎د را لیږ‎د به ستونزمن شي چې منفي اثرات به یې په افغاني مارکیټونو کې نمایان وي.

۷-د افغانستان ھغه سیاسیون چې تر افغانستانه و ایران ته ډیر وفادار دي او نورې ډلې ټپلې چې په تورو او سرو کڅوړ‎و کې یې د ایران نمک خوړ‎لی، به فاطمینو او امثالھم ته افغان ځوانان تشویقوي.

بیا به مو ځوانان د سوریې سربیرہ په نورو محاذونو کې ھم د شیعه ایزم او یا پیسو لپارہ جگړ‎ې کوي.

نتیجه

د امریکې او ایران د جگړ‎ې اصلي طراح د اسرائیلو زایونست دولت دی. ھغوی ایران د لوی اسرائیل د جوړ‎یدو په مخ کې خنډ بولي، ھمداراز د سعودي او اماراتو وھابیان چې شیعه کافر بولي ھم دې اور ته پکی وھی او دی ته یې پام نه دی چې که په دې سیمه کې اور ولگید، بیا به دوی ھم ترې په امان نه وي.

افغانستان چې اوس پس له څلورو لسیزو جگړ‎و د سولې پر درشل د پل ایښودو په تکل کې دی، له داسې جگړ‎و ډیر ژر منفي اغیزمن کیدای شي.

د امریکا د بھرنیو چارو وزیر پامپیو خو لا سر له اوسه د ایران او طالبانو د علایقو خبرې کوي. که جگړ‎ہ ونښلي، د سولې خبرې پر ځای دریږ‎ي او نه یواځې اوسنۍ جگړ‎ہ دوام پیدا کوي بلکې یو بل نیابتي جنگ مو ھم انگړ‎ ته راځي.

په داسې حال کې چې دولت مو گوډاگی وي، چاروکي یې عیاش، فحاش، بې دینه غربي سیکولران وي، مرکزي دولت یواځې د ارگ په حرم سرای کې د خپل موجودیت اعلان کوي، اقتصاد مو په خیرات روان وي، په سیمه کې مو نورې جگړ‎ې تر ټولو ډیر منفي اغیز پر موږ‎ ښندي.
نو ځکه د الله دربار ته لاسونه لپه کوم چې له دې سیمې د جنگ جگړ‎و او اشغال کمبله پخپل خاص فضل او مرحمت ټوله کړ‎ي!

که یو ځل موږ‎ د قوي مرکزي دولت څښتنان شو، پر خاورہ مو رښتینی اسلامي نظام حاکم شو، اقتصاد مو پر پښو ودرید بیا به تر ټولو مخکې زہ یواځې د ایران نه بلکې د پاکستان د ھلاکت دعا ھم کوم!

و ما علینا الا البلاغ

حفیظ الدین پیرزادہ
د جنورۍ ۷/ ۲۰۲۰ م
ستاکھولم سویدن

د نن ټکی اسیا یوټیوب چېنل
avatar
  ګډون وکړئ  
خبرتیا غوښتل د