شعـــــرونه

دا وبا ده چې مو ټول د سر سړي خوري/ ضعيف

مولوي عبدالسلام ضعيف

دا وبا ده چې مو ټول د سر سړي خوري
که بلا ده د ځانګو معصوم بچي خوري

که نفاق دی د غليم لاس پکښي ګرځي
يو د بل غوښي بې رحمه ليوني خوري

دلته اوس حلال حرام واړه يو سوي
يو د بل حق په مزه لکه چينجي خوري

د ټپوس غوندي ورستو لاښو ته درومي
د چينجو ډکه مرداره لکه سپي خوري

لکه مار د خزانو په تمه درومي
په تاوان کې دخپل ځان ګټه پردي خوري

د لمبو خس رانه جوړ دی نه پوهېږو
ترې پخه غوښه غربی اوګاونډي خوري

نه د امن نه دسولي ذمه اخلي
د ولس غوښي د ټيکس په نوم غني خوري

په هر رنګ مو رنګوي څنګه چې غواړي
د هګۍ غوندي مو بياسور اوسپينکي خوري

څو ورستاړي د پيسو قدرت په تمه
دلېوه سره مو پړکه د شپونکي خوري

که د سولي خواته ولاړ نسو ضعيفه!
دا د اور بلهوس به بل نسل زلمي خوري

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
A saeed

ماشاالله
ډېر عالی،په قلم دی برکت سه

Back to top button
1
0
Would love your thoughts, please comment.x
()
x