افغانستان

دوو ولايتونو کې ۳۲ عسکر له خپلو دندو لاس په سر شوي

نن ټکی اسیا (دوشنبه، ۳۰ مرغومي، ۱۳۹۸ل): په بغلان او بدخشان ولايتونو کې ۳۲ دولتي عسکرو، پوليسو او اربکيانو خپلې دندې پريښي دي او عادي ژوند ته يې مخه کړې ده.

د طالبانو ویاند ذبیح الله مجاهد وايي چې د بغلان ولایت د مرکزي بغلان ولسوالۍ او بدخشان ولايت په تګاب ولسوالۍ کې ۳۲ دولتي عسکر، پوليس او اربکيان له خپلو دندو لاس په سر شوی او عادي ژوند ته يې مخه کړې ده.

مجاهد زياتوي چې د ارشاد او دعوت کميسيون او سیمه ييزو طالبانو په هڅو ياد عسکر له خپلو دندو لاس په سر شوي دي.

د طالبانو له لوري په خپره شوې خبر پاڼه کې راغلي چې په بغلان ولايت کې ۲۲ دولتي عسکرو او په بدخشان کې ۱۰ عسکرو خپلې دندې پريښي دي او طالبانو ته ورغلي دي چې طالبانو يې تود هرکلی کړی
دی او د هغوی دا اقدام يې د عسکرو د کورنيو لپاره نيک بختي بللې ده.


د یادونې وړ ده چې د طالبانو د دعوت او ارشاد کميسيون له پخوا راهيسې د دولتي عسکرو له جنګه د لاس اخيستلو او عادي ژوند ته د ګرځېدو هلې ځلې کوي چې ډیری وخت په بيلابيلو ولايتونو کې دولتي عسکر له خپلو دندو لاس په سر کيږي او عادي ژوند ته ورګرځي چې طالبان يې هم هرکلی کوي او د امنيت او خونديتوب تضمين ورکوي.

تر اوسه د بغلان او بدخشان ولايتي چارواکو په دې اړه څه نه دي ويلي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x