افغانستان

افغان سیاسیون د بندو دروازو شاته د سولې او ټاکنو په تړاو خبرې کوي

نن ټکی اسیا (شنبه، ۵ سلواغه، ۱۳۹۸ل): د پخواني ولسمشر «حامد کرزي» او اجرائيه رییس «عبدالله عبدالله» په ګډون ګڼ شمېر پېژندل شوي افغان سیاستوال د اجرائيه ریاست د دویم مرستیال «محمد محقق» په کور کې جرګه شوي او د بندو دروازو تر شا یې د افغان سولې او ټاکنو په اړه خبرې کړې.
که څه هم ددې ناستې د جزئیاتو او اجنډا په اړه دقیق مالومات نشته؛ خو د ازادي راډيو خبریال نصرت پارسا ته پنځه دقیقې اجازه ورکول شوې؛ څو د غونډې انځورونه واخلي.
په اخستل شویو انځورونو کې په عبدالله عبدالله او حامدکرزي سربېره، د سولې عالي شورا مرستیال حاجي دین محمد، یونس قانوني، محمد محقق، کریم خلیلي او ګڼ شمېر نور پيژندل شوي اشخاص لېدل کېږي.
دا غونډه داسې مهال رابلل کېږي، چې د افغان سولې بهیر په یوه حساس حالت کې قرار لري، په قطر کې د طالب او امریکایي مذاکراتي ټیمونه د توافق لور ته نږدې شوي ښکاري او داسې تمې شته، چې ښایي د توافقنامې له لاسلیک وروسته د افغانانو خپلمنځي خبرې پیل شي.
په داسې وخت کې، چې بین الافغاني مذاکرات را لنډ شوي ښکاري، حکومت لا هم په دې برخه کې ګونګ دريځ لري او لا هم ندی توانېدلی، سیاسي اشخاص او جهتونه په ځان راټول او په دې توګه د طالبانو په وړاندې یو محکم دريځ ونیسي.
که څه هم حکومت د خپل مذاکراتي ټیم د بشپړېدو خبر ورکوي؛ خو ددې ټیم د نوملړ نه رسنیز کول او د یو شمېر سرچینو خبرونه دا څرګندوي، چې حکومت لا هم ندی توانېدلی له سیاسیونو سره په ګډه یو هر اړخیز ټیم تشکیل کړي.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
عبدالله

اصلی ملی خاینان همدغه دی چی په راس کی یی کرزی دی. کرزی دیر خیاین وخوت.

Back to top button
1
0
ستاسو نظر مونږ ته دقدر وړ دی، راسره شریک یې کړئx
()
x